Mahatma Gandhi Birthday : राष्ट्रपिता महात्मा गांधी यांच्या जयंतीनिमित्त देशवासीय त्यांना आदरांजली अर्पण करत आहेत. गांधीजींनी देशाला स्वातंत्र्य मिळवून देण्यासाठी स्वातंत्र्यलढ्याचे नेतृत्व केले होते. इंग्रजांच्या गुलामगिरीच्या साखळ्या तोडण्यासाठी त्यांनी कोणत्याही प्रकारचा हिंसाचाराचा अवलंब केला नाही, तर सत्य आणि अहिंसेचा मार्ग अवलंबून स्वातंत्र्य मिळविले होते. भारतातील आणि परदेशातील लोक आजही त्यांच्या या तत्त्वाचे पालन करतात.
अहिंसेचा उल्लेख आला की लोकांना बापू आठवतात. महात्मा गांधी हे प्रत्येकासाठी प्रेरणादायी आहेत. त्यांचे संपूर्ण जीवन आदर्श आणि प्रेरणांचे प्रतीक होते. मात्र, बापूंना महात्मा होण्यासाठी अनेकांनी साथ दिली. जवाहरलाल नेहरूंपासून सरदार पटेल, सुभाषचंद्र बोस ते भगतसिंग यांच्यापर्यंत सर्वांनी त्यांचा आदर केला. त्यांच्या पत्नी कस्तुरबा गांधी नेहमीच त्यांच्या पावलावर पाऊल ठेवत.
मोहनदास करमचंद गांधी यांच्या आयुष्यात अशा अनेक महिलांनी भूमिका बजावल्या, ज्यांनी त्यांना प्रत्येक पावलावर साथ दिली. महात्मा गांधींच्या आयुष्यात अशा अनेक महिला होत्या ज्यांनी महत्त्वाची भूमिका बजावली आणि स्वातंत्र्यलढ्यात त्यांच्यासोबत सहयोगी बनल्या.
कस्तुरबा गांधी
कस्तुरबा गांधी या महात्मा गांधींच्या पत्नी होत्या आणि गांधीजींच्या स्वातंत्र्यलढ्यातील प्रेरणास्त्रोतांपैकी एक होत्या. कस्तुरबाजींना बा म्हणत. त्यांनी स्वातंत्र्यलढ्यात भाग घेतला आणि गांधीजींसोबत आश्रम चालवले.
सरोजिनी नायडू
सरोजिनी नायडू या भारतीय स्वातंत्र्यलढ्यातील प्रमुख महिला नेत्या आणि गांधीजींच्या सहकारी होत्या. फाळणीच्या कल्पनेबाबत त्या गांधीजींच्या सल्लागारही होत्या.
मीरा बेन
मीरा बेन ही एक विदेशी महिला आहे जिला महात्मा गांधींपासून खूप प्रेरणा मिळाली आणि त्या आपले घर सोडून भारतात आल्या. खादी सत्याग्रह आणि बारडोली सत्याग्रह यासारख्या स्वातंत्र्यलढ्यातील अनेक महत्त्वाच्या पैलूंमध्ये त्यांनी गांधीजींसोबत काम केले.
डॉ सुशीला नय्यर
महात्मा गांधींचे सचिव प्यारेलाल पंजाबी यांच्या बहीण डॉ. सुशीला नय्यर यांचा गांधीजींवर प्रभाव होता. वैद्यकीय शिक्षण पूर्ण केल्यानंतर सुशीला गांधीजींच्या वैयक्तिक डॉक्टर बनल्या. भारत छोडो आंदोलनादरम्यान गांधींसोबत सुशीला कस्तुरबा यांना मुंबईत अटक करण्यात आली होती.
आभा गांधी
महात्मा गांधींचे पणतू कनू गांधी यांच्या पत्नी आभा गांधी या अनेकदा बापूंच्या प्रार्थना सभांमध्ये भजने गात असत. त्या नेहमीच गांधीजींच्या पाठीशी राहिल्या आणि चळवळीत त्यांना साथ दिली. नथुराम गोडसेने गांधीजींना गोळ्या झाडल्या तेव्हाही आभा तिथे हजर होती. (माहिती इनपुट च्या आधारे)
