Flying Bike : जगात ड्रोनचा शोध लागल्यानंतर लोकांच्या उडत्या कारचे स्वप्न साकार झाले असून तर आता उडत्या बाईकचे स्वप्न साकार होणार असल्याचे दिसत आहे. नुकताच जपानी स्टार्ट-अप AERWINS ने XTURISMO उडणारी बाईक चा Video शेयर केला.
जपानी स्टार्ट-अप AERWINS ने XTURISMO नावाची फ्लाइंग बाईक बनवण्याबद्दल माहिती दिली आहे. हवेत उडू शकणारी ही हॉवरबाईक असून जगातील पहिली उडणारी बाईक म्हणून ओळखली जाते. हॉवरबाईक जपानमध्ये आधीच विक्रीसाठी आहे. AERWINS चे CEO ही बाईक युनायटेड स्टेट्समध्ये विकण्याची योजना आखत आहेत.
अलीकडेच XTURISMO च्या एका व्हिडिओने सोशल मीडियावर तुफान धुमाकूळ घातला आहे. क्लिपमध्ये, आपण टर्बाइनने वेढलेला एक माणूस बाईकवर बसलेला पाहू शकता. या व्यक्तीने बाईक स्टार्ट करताच आधी ती हवेत उचलली आणि नंतर त्यात उड्डाण केले. हा व्हिडिओ @entrepreneursquote ने इंस्टाग्रामवर शेअर केला आहे. हे मूलतः @xturismo_official ने अपलोड केले होते.
हा व्हिडिओ दोन आठवड्यांपूर्वी शेअर करण्यात आला होता. पोस्ट केल्यापासून अनेकांनी त्याला लाइक केले आहे. अनेकांना वाटले की बाईक भविष्यवादी दिसते आणि त्यांना ड्रोनची आठवण करून दिली.
