Friday, July 12, 2024
spot_img
Homeराज्यलाखपुरी येथे श्री च्या भक्ताचा उसळला जनसागर...

लाखपुरी येथे श्री च्या भक्ताचा उसळला जनसागर…

श्री .गजानन महाराज संस्थान लाखपुरी येथे प्रगट दिनानिमित्त श्री च्या दर्शनास हजारो भाविकांची गर्दी…

वृत्तसेवा – अतुल नवघरे

लाखपुरी – मुर्तिजापूर तालुक्यातील लाखपुरी येथे श्री .गजानन महाराज संस्थान लाखपुरी येथे प्रगट दिनानिमित्त श्रीच्या दर्शनास हजारोच्या वर भाविकांची गर्दी जमली होती. सकाळी ५ ते ६ वाजता पासून काकडा आरती त्या नंतर श्री च्या दर्शणार्थ भाविकांच्या रांगा लागल्या होत्या. श्री भक्तांच्या अलोट गर्दीने फुलून गेला होता. सकाळी श्रींना महाभिषेक आरती करण्यात आली त्यानंतर श्री च्या मुखवटा व पादुकांची नगर प्रदक्षिणा पार पडली.

तदनंतर सकाळी ९ ते ११ वाजेपर्यंत संतोषमहाराज सखारमपुरकर यांचे काल्याचे किर्तन पार पडले . प्रगट दिन उत्सवासाठी यावेळी मंदिरावर अनेक ठिकाणच्या पालख्यांचे आगमन झाले होते. श्रीच्या प्रकट दिन ठरला अन्नपूर्णा उत्सव श्री संत गजानन महाराज संस्थान लाखपुरी येथून मिरवणूक निघाल्यानंतर अनेक सेवाभावी मंडळ संस्था , संघटना यांनी चहा फराळ महाप्रसादाचे आयोजन केले होते. गजानन महाराज संस्थान द्वारा यावेळी भाविकांची श्री च्या महाप्रसादाची व्यवस्था करण्यात आली होती.

महाप्रसाद संध्याकाळी ५ वाजेपर्यंत सुरूच होता. महाप्रसादासाठी भाविकांच्या लागलेल्या रांगा बघता यंदा श्रीच्या प्रगट दिन उत्साह अन्नपूर्णा उत्सव ठरत असल्याचे चित्र दिसत होते. संध्याकाळी ६ वाजता पासून श्रीच्या मिरवणुकीला सुरुवात झाली होती‌ . मिरवणुकी दरम्यान विविध मंडळांनी पथनाट्य , भजने , गवळण , विविध भक्ती गीते , असे विविध देखावे यावेळी भाविकांना पाहण्यास मिळाले.

या वेळी लक्षेश्वर ढोल मंडळ , लक्षेश्वर महिला वारकरी भजन मंडळ लाखपुरी ,लक्षेश्वर हरिपाठ मंडळ , भुजवडा येथील ढोल मंडळ , शिंगनापूर ढोल मंडळ , इत्यादी मंडळांनी मिरवणुकीमध्ये सहभाग नोंदविला होता.महाराणा प्रताप मंडळ लाखपुरी व नवदुर्गा तरुण उत्साही मंडळ लाखपुरी व गावातील मंडळांन कडुन चहाची व नाश्त्याची व्यवस्था करण्यात आली होती , कार्यक्रम यशस्वी करण्याकरिता गजानन महाराज संस्थान लाखपुरी येथील भक्तगण व समस्त गावकरी मंडळींनी परिश्रम घेतले .

RELATED ARTICLES

Most Popular

Recent Comments

error: