प.पू परमात्मराज महाराज, पांडूरंग काजवे महाराज यांचे दिव्य सानिध्य…
कोगनोळी ता.निपाणी येथील एस.टी स्टॅन्ड चौकामध्ये नव्याने बांधलेल्या मंदिरामध्ये श्री स्वामी समर्थ भक्त मंडळातर्फे मंगळवार दि. ३० पासून १ सप्टेंबरपर्यंत विविध कार्यक्रमांचे आयोजन करण्यात आले आहे. श्री क्षेत्र आडी येथील परमाब्धिकार प.पू. परमात्मराज महाराज व अध्यात्मातील थोर विभूती पांडूरंग काजवे महाराज यांच्या दिव्य सानिध्यामध्ये मंगळवार दि. ३० रोजी सकाळी ९ वाजता मूर्तीची गावातून सवाद्य मिरवणूक काढण्यात येणार आहे.
बुधवार दि. ३१ रोजी सकाळी ६ वाजता होमहवन व मंत्र पुष्पांजली तर गुरुवार दि. १ सप्टेंबर रोजी सकाळी ११ वाजता मूर्ती प्राणप्रतिष्ठापना करण्यात येणार आहे.सदर कार्यक्रमास भाविकांनी मोठ्या संख्येने उपस्थित राहून कार्यक्रमाचा लाभ घेण्याचे आवाहन संयोजकातर्फे करण्यात आले आहे.
