भारतीय संघाचा स्टार क्रिकेटर ऋषभ पंतने रस्ता अपघातानंतर पहिल्यांदाच ट्विट केले आहे. आपल्या पायाची शस्त्रक्रिया यशस्वी झाली असून आता पुनरागमनाचा प्रवास सुरू झाल्याचे पंतने सांगितले. यासोबतच त्यांनी बीसीसीआय, बीसीसीआय सचिव जय शाह आणि सरकारचे या अपघातात मदत केल्याबद्दल आभार मानले आहेत.
30 डिसेंबर रोजी घरी परतत असताना ऋषभ पंतचा रुरकीजवळ अपघात झाला. त्यांची भरधाव असलेली कार दुभाजकावर आदळल्यानंतर लांबपर्यंत खेचत राहिली. यानंतर कारने पेट घेतला. मात्र, पंत वेळीच गाडीतून बाहेर आल्याने त्यांचा जीव वाचला. आता पंतने ट्विट करून आपल्या प्रकृतीबद्दल सांगितले आहे आणि मदत करणाऱ्या सर्वांचे आभार मानले आहेत.
ऋषभ पंतने लिहिले “मी सर्व समर्थन आणि शुभेच्छांसाठी नम्र आणि कृतज्ञ आहे. मला तुम्हाला कळवताना आनंद होत आहे की माझी शस्त्रक्रिया यशस्वी झाली आहे. बरे होण्याचा प्रवास सुरू झाला आहे आणि मी पुढील आव्हानांसाठी सज्ज आहे. BCCI चे अविश्वसनीय आभार, जय शहा आणि सरकारी अधिकाऱ्यांनी पाठिंबा दिला.
घरी परतत असताना पंतचा अपघात झाला
भारताचा स्टार क्रिकेटर ऋषभ पंत 30 डिसेंबर रोजी एका रस्ता अपघातात बळी पडला होता. बांगलादेशविरुद्धची कसोटी मालिका संपल्यानंतर तो दुबईला गेला होता आणि तिथून घरी परतत होता. पंतला त्याच्या आईला आश्चर्यचकित करायचे होते, परंतु घरी पोहोचण्यापूर्वीच त्याच्या कारला अपघात झाला. तो आपल्या खाजगी कारने दिल्लीहून रुरकीला जात होता आणि स्वतः गाडी चालवत होता. हिम्मत दाखवत त्याने स्वतः कारची काच फोडली आणि कारमधून बाहेर पडण्यात यश मिळविले. यानंतर कारने पेट घेतला.
बसच्या ड्रायव्हर आणि कंडक्टरच्या मदतीने पंत यांना रुग्णालयात नेण्यात आले. येथे त्यांच्यावर प्राथमिक उपचार करण्यात आले आणि त्यांची प्रकृती धोक्याबाहेर असल्याने पंत यांना डेहराडून येथील मॅक्स रुग्णालयात दाखल करण्यात आले.
