मुंबई – गणेश तळेकर
भंडारी समाज संस्था, वसई तालुका यांचा 5 वा वर्धापन दिन नुकताच नालासोपारा येथील सारस्वत सभागृहात दणक्यात साजरा करण्यात आला. अखिल भारतीय भंडारी समाज महासंघाचे राष्ट्रीय अध्यक्ष श्री नवीनचंद्र बांदिवडेकर हे प्रमुख अतिथी म्हणून आमंत्रित होते.
त्यांचा व त्यांच्या सहकाऱ्यांचा शाल, श्रीफळ व सन्मान चिन्ह देवून सत्कार करण्यात आला. महासंघाच्या वतीने विश्वस्त श्रीमती रीटा मिठबावकर, खजिनदार श्री जगदीश आडविरकर, सचिव श्री प्रवीण आचरेकर, सौ शलाका पांजरी, श्री शरद पांजरी व गणेश साखरकर उपस्थित होते.
स्थानिक कलावतानी नृत्य, गायन व मालवणी नाटिका सादर करून कार्यक्रमात रंगत आणली. अध्यक्ष श्री संतोष टेंबवलकर, कार्याध्यक्ष श्री जयवंत रूमडे व सचिव श्री विश्राम सोन्सुरकर यांनी कार्यक्रम यशस्वी होण्यासाठी विशेष परिश्रम घेतले.
