Michael Jackson : ‘मायकल जॅक्सन’ असे नाव आहे ज्याने जगाला वेड लावलेच पण लोकप्रियतेचा नवा अध्यायही लिहिला. ‘किंग ऑफ पॉप’ म्हणून ओळखल्या जाणाऱ्या ‘मायकल जॅक्सन’चे आयुष्य लोकप्रियता आणि वादांनी भरलेले आहे. या महान कलाकाराच्या मृत्यूनंतर 15 वर्षांनंतर आता त्याचा बायोपिक प्रेक्षकांसमोर येण्यासाठी सज्ज झाला आहे, ज्यामध्ये प्रेक्षकांना पॉप लिजेंड मायकल जॅक्सनच्या आयुष्यातील चढ-उतार तसेच वादांची ओळख करून दिली जाणार आहे. गुरुवारी, लायन्सगेटने लास वेगासमधील Cinema Con 2024 मध्ये मायकेल जॅक्सन बायोपिक ‘मायकल’चा पहिला ट्रेलर दाखवला.
Lionsgate CinemaCon 2024 च्या समारोपाच्या वेळी, निर्माता ग्रॅहम किंग यांनी ‘मायकल’ची पहिली झलक देत चित्रपटाचा पहिला ट्रेलर रिलीज केला. अँटोइन फुक्वा दिग्दर्शित ‘मायकेल’ या महान कलाकाराच्या जीवनाचे सखोल चित्रण केले. यामध्ये प्रेक्षकांना एका सुपरस्टारसोबतच त्याचं लाजाळू आणि भावूक व्यक्तिमत्त्वही पाहायला मिळणार आहे. मायकल जॅक्सनचा भाचा जाफर जॅक्सन या चित्रपटात मुख्य भूमिकेत दिसणार आहे.
ट्रेलरच्या सुरुवातीला, जॅक्सन स्टेजवर ‘मॅन इन द मिरर’ आणि ‘थ्रिलर’ सारखे त्याचे सर्वात मोठे हिट गाणे सादर करत आहे आणि चाहते त्याच्यासाठी वेडे होत आहेत. पहिल्या ट्रेलरमध्ये जॅक्सनला लहान मुलाच्या रूपात दाखवण्यात आले आहे, ज्यामध्ये त्याची आई त्याला सांगते, ‘काहींना वाटते की तू वेगळा आहेस आणि त्यामुळे तुझे जीवन थोडे कठीण होईल, पण मायकेल, तू तसा कधीच नव्हतास. तुझ्याकडे एक विशेष प्रकाश आहे. तू एक दिवस जगभर चमकशील.
अँटोइन फुका दिग्दर्शित ‘मायकल’ सध्या निर्मितीत आहे आणि त्यात ३० हून अधिक गाणी असतील. ABC च्या अमेरिकन बँडस्टँडवर जॅक्सनच्या उत्कृष्ट परफॉर्मन्सपासून सुरुवात करून यापैकी बरेच प्रदर्शन चित्रपटासाठी पुन्हा तयार केले जातील.
दरम्यान, चित्रपटाचे निर्माते ग्रॅहम किंग म्हणाले, “नाटक, कारस्थान आणि भावनांसह ही आतापर्यंतच्या सर्वात प्रतिभावान अभिनेत्याची अंतर्गत कथा आहे.” किंग पुढे म्हणाले की, तो सात वर्षांपासून या चित्रपटाची तयारी करत आहे आणि लोकांना भेटत आहे आणि बोलत आहे. जेणेकरून मायकेलचे जीवन आणि वारसा सारांशित करता येईल. उल्लेखनीय आहे की हा चित्रपट 18 एप्रिल 2025 रोजी थिएटरमध्ये प्रदर्शित होणार आहे.
THREAD: Scenes shown in the first trailer for the Michael Jackson biopic at CinemaCon.#MichaelMovie pic.twitter.com/yy0YZZawTv
— Francisco Beltrán (@francisco_bltrn) April 11, 2024
