मालेगाव (वाशिम) – चंद्रकांत गायकवाड
मालेगाव तालुक्यातील शिरपूर पोलीस स्टेशन हद्दीतील नंधाना येथे दिनांक ०८ जून रोजी गावातीलच रहिवासी इसम योगेश प्रभाकर बोरकर वय ३७ यांनी गळफास घेवून आत्महत्या केल्याची घटना उघडकीस आली. सविस्तर असे कि, नंधना येथील युवा शेतकरी योगेश प्रभाकर बोरकर हे दिनांक ०५ जून पासून घरून निघून गेले होते, नातेवाईक त्यांचा सर्वत्र शोध घेत होते दरम्यान दिनांक ०८ जून रोजी नंधाना गावाजवळ असलेल्या अनिल दामोदर डाले यांच्या शेतातील लिंबाच्या झाडाला गळफास घेतलेल्या अवस्थेत योगेश प्रभाकर बोरकर याचा मृत देह आढळून आला.
घटनेची माहिती मृतकाचा भाऊ संदीप प्रभाकर बोरकर याने शिरपूर पोलिसांना दिली.माहिती प्राप्त होताच पोलीस उपनिरीक्षण रवींद्र ताले बीट जमदार रवींद्र वानखेडे व सहकारी यांनी घटना स्थळी भेट देवून पंचनामा केला व मृतदेह उत्तरीय तपासणी साठी ग्रामीण रुग्णालय मालेगांव येथे पाठवला असून आकस्मिक मृत्यूची नोंद केली आहे. पुढील तपास शिरपूर पोलीस करीत आहेत.
