IND vs ENG : इंग्लंडविरुद्धच्या पाच कसोटी सामन्यांच्या मालिकेतील दुसरा सामना भारताने जिंकला आहे. त्यांनी विशाखापट्टणम येथे खेळलेला सामना 106 धावांनी जिंकला. या विजयासह टीम इंडियाने मालिकेत 1-1 अशी बरोबरी साधली. हैदराबादमध्ये झालेल्या पहिल्या सामन्यात इंग्लंडने विजय मिळवला होता. अनुभवी फिरकी गोलंदाज रविचंद्रन अश्विनने भारतासाठी दुसऱ्या कसोटीत एकूण तीन विकेट घेतल्या. या सामन्यात त्याने मोठी कामगिरी केली.
अश्विन इंग्लंडविरुद्ध सर्वाधिक बळी घेणारा भारतीय गोलंदाज ठरला. त्याने या सामन्यात त्याने माजी फिरकीपटू भागवत चंद्रशेखरला मागे टाकले. अश्विनने इंग्लंडविरुद्धच्या 21 कसोटी सामन्यांमध्ये 97 बळी घेतले आहेत. चंद्रशेखरने 1964 ते 1979 दरम्यान 23 कसोटीत 95 बळी घेतले. इंग्लंडच्या बेन डकेटला बाद करून त्याने चंद्रशेखरचा 45 वर्ष जुना विक्रम मोडला. आता तो इंग्लिश संघाविरुद्ध 100 विकेट्स पूर्ण करण्यापासून केवळ तीन विकेट दूर आहे.
अश्विन कसोटीत ५०० बळी पूर्ण करण्याच्या जवळ आहे
अश्विनला विशाखापट्टणममध्ये चार विकेट घेत मोठी कामगिरी करण्याची संधी होती. 500 बळी घेणारा तो दुसरा भारतीय गोलंदाज होऊ शकला असता, पण तसे झाले नाही. त्याच्या नावावर आता 97 कसोटीत 499 विकेट्स आहेत. आता अश्विनला 500 विकेट पूर्ण करण्यासाठी किमान 10 दिवस वाट पाहावी लागणार आहे. भारत आणि इंग्लंड यांच्यातील तिसरा कसोटी सामना राजकोटमध्ये 15 फेब्रुवारीपासून खेळवला जाणार आहे.
कसोटी इतिहासात दुसऱ्यांदा असे घडले
कसोटी इतिहासात सामना संपल्यानंतर गोलंदाजाने 499 बळी घेण्याची ही दुसरी वेळ आहे. यापूर्वी ग्लेन मॅकग्रासोबत असे घडले होते. 2005 मध्ये न्यूझीलंडविरुद्ध कसोटी संपल्यानंतर त्याने 499 बळी घेतले होते. नंतर त्याने 563 विकेट्स घेऊन कारकिर्दी पूर्ण केली.
भारताच्या कसोटी इतिहासात हे प्रथमच घडले आहे
भारत आणि इंग्लंडचे संघ चारही डावात सर्वबाद झाले. भारताने पहिल्या डावात 396 धावा आणि दुसऱ्या डावात 255 धावा केल्या. त्याचवेळी इंग्लंडने पहिल्या डावात 253 धावा आणि दुसऱ्या डावात 292 धावा केल्या. भारतात खेळल्या गेलेल्या कसोटी सामन्यांमध्ये ही पहिलीच वेळ आहे की दोन्ही संघांनी आपापल्या दोन्ही डावात 250 हून अधिक धावा केल्या आणि सर्वबाद झाले.
