Haryana School Bus Accident: महेंद्रगडमधील कनिना येथील उनहनी गावाजवळ शाळेची बस उलटून भीषण अपघात झाला. या अपघातात पाच मुलांचा मृत्यू झाला असून १५ जण गंभीर जखमी झाले आहेत. माहिती मिळताच पोलीस घटनास्थळी पोहोचले असून तपास करत आहेत. स्कूल बस कनिना येथील जीएलपी शाळेची असल्याचे सांगण्यात येत आहे.
जखमींना उपचारासाठी सिव्हिल हॉस्पिटलमध्ये दाखल करण्यात आले आहे. दरम्यान, गंभीर जखमी मुलांना रेवाडी येथे रेफर करण्यात आले आहे. मिळालेल्या माहितीनुसार, वाहनाला ओव्हरटेक करताना हा अपघात झाला. दुसरीकडे बसचालक दारूच्या नशेत असल्याची माहिती मिळाली आहे. पोलिसांनी बस चालकाला ताब्यात घेऊन वैद्यकीय उपचारासाठी महेंद्रगड सिव्हिल हॉस्पिटलमध्ये नेले आहे.
काही वेळाने शिक्षणमंत्री घटनास्थळी पोहोचतील
हरियाणाच्या शिक्षण मंत्री सीमा त्रिखा यांनी फोनवर सांगितले की, मी डीसी आणि शिक्षण विभागाच्या अधिकाऱ्यांशी बोलत असून या प्रकरणाची चौकशी करण्यास सांगितले आहे. काही वेळाने घटनास्थळी भेट देणार असल्याचेही त्यांनी सांगितले.
#WATCH | Five students dead, 15 injured after a private school bus meets with an accident in Mahendragarh's Kanina, in Haryana. pic.twitter.com/jhRvJo0hXg
— ANI (@ANI) April 11, 2024
