कल्याण – प्रफुल्ल शेवाळे
ठाणे जिल्ह्यातील मुरबाड तालुक्यातून अत्यंत धक्कादायक खळबळ जनक बातमी समोर आली आहे. एका जुन्या भांडणाच्या रागातून माजी सभापतीने तरुणाचे दोन्ही हात मुळापासून छाटून टाकल्याची अत्यंत भयकंर घटना घडली आहे. या घटनेमुळे परिसरात खळबळ उडाली असून भीतीचे वातावरण पसरले आहे..
उपलब्ध माहिती नुसार
काल संध्याकाळी दि. 15 डिसेंबररोजी मुरबाड बारवी धरण रस्त्यावर विस्डम शाळेसमोर देवपे गावातील तरुण सुशील भोईर (वय 27 वर्ष) हा रिक्षाने जात असताना मुरबाड पंचायत समितीचे माजी सभापती श्रीकांत धुमाळ हे आपल्या साथीदारांसह कारने येऊन रिक्षा अडवली. सुशीलला बाहेर काढून तलवारीने सपासप वार करीत दोन्ही हात छाटून टाकले. यामुळे परिसरात खळबळ उडाली आहे.
मुरबाड पंचायत समितीचे माजी सभापती श्रीकांत धुमाळ आणि सुशील भोईर यांच्यात काही मुद्द्यांवरून जुना वाद होता. याच गोष्टीचा राग श्रीकांत धुमाळ यांच्या मनात होता. त्याचाच बदला घेण्यासाठी त्यांनी कट रचून सुशील भोईर याच्यावर हल्ला चढवला.
याप्रकरणी श्रीकांत धुमाळ याच्यासह त्याचा मेहुणा अंकुश खारीक, नितीन धुमाळ व इतर यांच्यावर मुरबाड पोलीस ठाण्यात गुन्हा नोंद करण्यात आला आहे.
