सांगली – ज्योती मोरे.
राष्ट्रवादी पक्षातील सांगली जिल्ह्यातील लोक शहर जिल्हाध्यक्षांवर नाराज असल्याने त्यांना पर्याय पाहिजे होता, तो पर्याय आम्ही दिला आहे.सगळे लोक आमच्याबरोबर आहेत, कार्यकर्त्यांशी कसं वागायचे, त्याची कामे कशी करायची हे त्यांना आजही कळलेले नाही. याकडे जयंत पाटलांनी दुर्लक्ष केले याची ही रिएक्शन आहे.
त्यामुळे जिल्ह्यातील बहुतांश कार्यकर्ते हे अजितदादा पवार यांच्या गटाकडे गेले, असून आणखी अनेक जण येणाऱ्या काही दिवसात अजितदादा पवार गटामध्ये सामील होतील.
दरम्यान, राष्ट्रवादीतील एकही कार्यकर्ता असा नाही की तो नाराज नाही त्याला मिळणारी ट्रीटमेंट ही वरिष्ठांनी चांगल्या प्रकारे न दिल्याने हे घडले असल्याची प्रतिक्रिया अजित पवार गटाचे शहर जिल्हाध्यक्ष पद्माकर जगदाळे आणि ग्रामीण जिल्हाध्यक्ष वैभव पाटील यांनी आज आयोजित पत्रकार परिषदेत बोलताना केली आहे यावेळी माजी महापौर दिग्विजय सूर्यवंशी यांनीही वरिष्ठान वर निशाणा साधला आहे.
