जखमींना नागपूर येथे पाठविले
पातूर – निशांत गवई
पातूर तालुक्यातील दिग्रस खुर्द येथील परिवार दुचाकीने विवरा अंबाशी मार्गावरून घरी परत येत असतांना दुचाकीच्या आडवे रानडुकर आल्याने अपघात घडला असून या मध्ये दोन चिमुकल्या सह जखमी झाल्याची घटना सोमवार रोजी रात्री ८ च्या दरम्यान घडली आहे.
मिळालेल्या माहितीनुसार निलेश खराटे वय३५, सौ मीना खराटे वय३०,आरुषी खराटे वय ४,कु माही खराडे २वर्ष हे आईवडील व चिमुकल्या सह आंबाशी वरून परत बाभूळगाव कडे येत असताना रान डुक्कर ने धडक दिल्याने अपघात झाला.या अपघात मध्ये चौघे जखमी होऊन रस्त्यावर पडून होते.
येणाऱ्या जाणाऱ्या लोकांनी यांना तत्काळ उचलून त्यांनी बाभूळगाव येथे प्राथमिक आरोग्य केंद्रात नेले.परंतु त्यांना जास्त मार लागल्याने त्या चौघांना पुढील उपचारासाठी अकोला पाठविण्यात आले.
तिथं सुद्धा जास्त तंबीयत बिघडल्याने त्यांना नागपूर या ठिकाणी पाठविले .तरी संबधित अधिकारी यांनी तत्काळ पंचनामा करून यांना वनविभागाच्या वतीने तत्काळ मदत देण्यात यावी अशी मागणी होत आहे.
