मूर्तिजापूर येथूनच जवळ असलेल्या हिरपूर गावातील दोन अल्पवयीन मुलांचा बुडून मृत्यू झाला आहे. हिरपूर गावाजवळून वाहत असलेल्या कमळगंगा नदीवर मोहब्बतपूर जवळील आज सायंकाळी ५.३० सुमारास सदर घटना घडली असून काही दिवसांपूर्वी या नदीच्या खोलीकरणाचे काम केले होते. शेख आयान शेख अदिक वय 17 वर्ष व मो. अमीर मो. मुझममील, वय वय 14 वर्ष हे दोघेही हिरपूर येथील रविवाशी असून ते दोघही नदीवर पोहण्यासाठी गेले होते.
हिरपूर गावाजवळील असलेल्या मोहब्बतपूर येथील कमळगंगा नदीच्या पुलावर आज सांयकाळी ५ ते ५. ३० दरम्यान हिरपूर येथील दोन अल्पवयीन मुले पोहण्यासाठी गेले होते. तर पुलाखालील नदीचे खोलीकरण केल्याने नदीत मोठा मातीचा गाळ जमा झाला होता. मात्र पाण्याचा अंदाज न आल्याने त्यांचा बुडून मृत्यू झाला आहे. तर गावातील गावकर्यांनी दोन्ही मुलांचे मृतदेह बाहेर काढून शवविच्छेदनासाठी मूर्तिजापूर येथे सामान्य रुग्णालयात आणले आहेत.
