Google Maps: आजकाल अनेकांना मार्ग शोधण्यासाठी गुगल मॅप्स वापरतात. गुगल मॅप्स काही शहरामध्ये व्यवस्थित मार्ग दाखवून सहजपणे आपल्या गंतव्यस्थानी पोहोचतात तर कधी अडचणींचा सामना करावा लागतो. हैदराबादहून केरळमध्ये आलेले लोक गुगल मॅपचा वापर करत होते. यावेळी चुकीच्या मार्गाने गेल्याने त्यांची कार नदीत पडली. मात्र, स्थानिक लोकांनी चौघांनाही वाचवले.
हे प्रकरण केरळमधील कुरुपंथरा जिल्ह्यातील आहे. हैदराबादहून एका महिलेसह चार जणांचा ग्रुप अलाप्पुझा येथे पर्यटनासाठी जात होता. या मार्गासाठी त्यांनी गुगल मॅपची मदत घेतली आणि या मार्गाचीही माहिती नव्हती. चुकीची माहिती आणि मुसळधार पावसामुळे पुढे नदी आहे हे त्यांच्या लक्षात आले नाही. यादरम्यान त्यांची कार नदीत पडली, त्यात ४ जण प्रवास करत होते.
स्थानिक लोकांनी चार मित्रांचे प्राण वाचवले
अपघातानंतर आजूबाजूच्या लोकांनी घटनास्थळी धाव घेत नदीत उडी मारून चारही जणांचे प्राण वाचवले, मात्र कार पूर्णपणे बुडाली. माहिती मिळताच पोलीस दाखल झाले असून गाडी नदीतून बाहेर काढण्याचा प्रयत्न करत आहेत. या प्रकरणाबाबत कडूथुरुथी पोलीस ठाण्याच्या अधिकाऱ्याने सांगितले की, संपूर्ण अपघाताचा तपास सुरू आहे. सर्व पर्यटक सुरक्षित आहेत.
यापूर्वीही अनेक अपघात झाले आहेत
या वर्षाच्या सुरुवातीला गुगल मॅपच्या चुकीमुळे तामिळनाडूच्या गुडालूरमध्ये एक कार पायऱ्यांवर अडकली होती. कर्नाटकातून मित्रांचा ग्रुप परतत असताना हा अपघात झाला. गेल्या वर्षी गुगल मॅपच्या मदतीने प्रवास करणाऱ्या दोन डॉक्टरांचा नदीत पडून मृत्यू झाला होता.
