Shikhar Dhawan : पंजाब किंग्जचा कर्णधार आणि सलामीवीर शिखर धवनने माजी भारतीय महिला क्रिकेटर मिताली राजसोबतच्या नात्याबाबत मोठा खुलासा केला आहे. त्याने सांगितले की, एकेकाळी अशी अफवा पसरली होती की तो एका महिला खेळाडूशी लग्न करणार आहे. याशिवाय भारतीय संघाचा स्टार फलंदाज ऋषभ पंतच्या दुखापतीनंतर त्याच्या पुनरागमनाचीही चर्चा होती.
दुखापतीमुळे धवन आयपीएलमध्ये खेळू शकला नाही
आयपीएल 2024 मध्ये धवन काही खास दाखवू शकला नाही. या मोसमात तो केवळ पाच सामन्यांमध्ये दिसला. यामध्ये सलामीच्या फलंदाजाने 125.62 च्या स्ट्राईक रेटने 152 धावा केल्या. या काळात त्याच्या बॅटमधून अर्धशतक झाले. दुखापतीमुळे तो उर्वरित सामन्यांचा भाग होऊ शकला नाही. आता तो त्याच्या वैयक्तिक आणि व्यावसायिक आयुष्याबद्दल उघडपणे बोलला आहे.
धवन मितालीशी लग्न करणार का?
धवनने सांगितले की, एकेकाळी अशी अफवा पसरली होती की महिला क्रिकेट संघाची माजी कर्णधार मिताली राजसोबत लग्न करणार आहे. त्यांच्या जवळीकीच्या बातम्या खूप चर्चेत होत्या. मी मिताली राजसोबत लग्न करणार असल्याचे मी ऐकले आहे, असे धवन म्हणाला. यानंतर तो हसायला लागला. भारतीय क्रिकेटर शिखर धवनने 2012 मध्ये आयशा मुखर्जीसोबत लग्न केले होते. मात्र, आता दोघेही घटस्फोटित होऊन कायदेशीररित्या वेगळे झाले आहेत.
कसे झाले धवन-आयेशाचे लग्न?
शिखर धवन आणि आयशा यांची भेट फेसबुकच्या माध्यमातून झाली होती. या दोघांना जोडण्याचे काम टीम इंडियाचा अनुभवी गोलंदाज हरभजन सिंग याने केले. आयशा शिखर धवनपेक्षा 10 वर्षांनी मोठी होती, पण लोक म्हणतात की प्रेमाला वयाची अट नसते, याचे उदाहरण शिखर धवनने मांडले. शिखर धवन आणि आयशा मुखर्जी यांची 2009 मध्ये एंगेजमेंट झाली आणि दोघांनी 2012 मध्ये लग्न केले. आयशा मुखर्जीचे हे दुसरे लग्न होते. पहिल्या लग्नापासून तिला दोन मुली आहेत.
2014 मध्ये आयशाने धवनचा मुलगा जोरावरला जन्म दिला. नऊ वर्षे एकत्र राहिल्यानंतर धवन आणि आयशा वेगळे झाले. आता दोघांचा कायदेशीर घटस्फोट झाला आहे. धवनची पत्नी आयेशा मुखर्जीचा जन्म भारतात झाला असला तरी ती नंतर ऑस्ट्रेलियात राहायला गेली. आयशा किकबॉक्सर आहे. तिचे वडील बंगाली तर आई ब्रिटनची आहे.
मिताली राजसोबत लग्नबंधनात अडकणार?;
— ABP माझा (@abpmajhatv) May 25, 2024
स्वत: शिखर धवनने केला खुलासा, काय म्हणाला?https://t.co/dNkePFXCwH#ShikharDhawan #MithaliRaj #ABPMajha pic.twitter.com/BeDPhTzGzT
