नांदेड – महेंद्र गायकवाड
बिलोली शहरातील कुंडलवाडी रस्त्याकडे जाताना नबाजी कोपोले यांच्या प्लॉट मधून त्यांचे दोन बैल चोरीला गेले असून या प्रकरणी अज्ञात चोरट्या विरुद्ध बिलोली पोलिसात गुन्हा दाखल करण्यात आला आहे. कांही दिवसापूर्वीच आंबेडकर नगर येथील एका पत्रकाराच्या घरी चोरी झाली होती यावरून शहरात चोरीचे प्रमाण वाढले असल्याचे दिसून येत आहे.
बिलोली शहरातील शेतकरी नबाजी माधवराव कोपोले यांनी दिनांक 14 मे रोजी कुंडलवाडीकडे जाणाऱ्या रस्त्यावरील आपल्या प्लॉट मध्ये दोन बैल बांधून ठेवले होते.ते कोणीतरी चोरून नेले. या प्रकरणी नबाजी कोपोले यांनी दिलेल्या फिर्यादीवरून अज्ञात चोरट्या विरुद्ध बिलोली पोलीस ठाण्यात गुरन 76/2024 कलम 379 भादवी कायद्यानुसार गुन्हा दाखल करण्यात आला असून पुढील तपास पोना सोनकांबळे हे करीत आहे.
