रामटेक – राजु कापसे
रामटेक तालुक्यातील खोडगाव ( काचुरवाही) येथील हनुमान मंदिरात अयोध्या येथे श्रीराम लल्लाची प्राणप्रतिष्ठा निमित्याने दि. २५ एप्रिलपासून २ मे पर्यंत श्रीराम कथा सप्ताहाचे आयोजन करण्यात आले आहे. तेव्हा यादरम्यान येथे दररोज विविध धार्मिक कार्यक्रम होणार असुन याचा ज्यास्तीत ज्यास्त भाविकांनी लाभ घ्यावा असे आवाहण हनुमान मंदीर समिती व समस्त गावकऱ्यांच्या वतीने करण्यात आले आहे.
कार्यक्रमामध्ये दररोज सकाळी ६ ते ८ वाजता पर्यंत काकडा भजन व दिंडी, त्यानंतर ९ ते ११ वाजेपर्यंत व सायंकाळी ७ ते ९.३० वाजता पर्यंत रामकथा होणार आहे. तसेच महोत्सवा दरम्यान हरीपाठ सुद्धा होणार आहे. गु.ह.भ.प. वाणीभुषण श्री नारायण महाराज शेंडे हे कथा प्रवक्ता राहणार आहे.
दि. १ मे ला होम हवण व विशाल दिंडी सोहळा, हरीकिर्तन तथा २ मे ला काल्याच्या किर्तनाचे आयोजन करण्यात आले आहे. यादरम्यानच याच दिवशी गावातीलच एका गरीब लेकीचा विवाह सोहळा पार पडणार आहे. यानंतर महाप्रसादाचे वितरण करण्यात येणार आहे.
