Baba Siddiqui : इफ्तार पार्टीने अवघ्या देशाचे लक्ष वेधून घेणारे काँग्रेसचे नेते बाबा सिद्दिकी यांनी 8 फेब्रुवारीला कॉंग्रेसला अलविदा करीत अजित पवार यांच्या राष्ट्रवादी काँग्रेसमध्ये प्रवेश केला आहे. आज शनिवारी एका कार्यक्रमात त्यांनी अधिकृतपणे राष्ट्रवादीत प्रवेश केला. या कार्यक्रमात अजित पवार आणि प्रफुल्ल पटेलही सहभागी झाले होते. बाबा सिद्दीकी 40 वर्षांहून अधिक काळ काँग्रेसमध्ये होते. ‘अलविदा’ असं ट्विट करून त्यांनी काँग्रेसला माहिती दिली होती.
यावेळी बाबा सिद्दीकी यांनी राष्ट्रवादी काँग्रेसमध्ये येण्याचा निर्णय कसा घेतला हे सांगितले. सिद्दीकी म्हणाले, प्रफुल्ल पटेल यांच्या घरी न्याहारी करण्यावरून चर्चा झाली, त्याच दिवशी 10 तारखेला मी राष्ट्रवादीत प्रवेश करणार असे ठरले. मी त्याच दिवशी काँग्रेसच्या वरिष्ठ अधिकाऱ्यांना याची माहिती दिली आणि ४८ वर्षांनी काँग्रेस सोडण्याचा निर्णय घेतला.
मी एक खुले पुस्तक आहे. मी कुटुंबाचा माणूस आहे. मला कोणाचेही नुकसान करायचे नाही. येथे समजाचे राजकारण सुरू आहे, त्यामुळे निर्णय घ्यावा लागला.
#WATCH | Baba Siddique joins NCP in the presence of party chief and Maharashtra Deputy CM Ajit Pawar, in Mumbai.
— ANI (@ANI) February 10, 2024
The former Maharashtra minister had resigned from Congress on February 8. pic.twitter.com/IzwQo8QnLi
माजी मंत्री सिद्दीकी पुढे म्हणाले, सर्वांना बरोबर घेऊन चालावे लागेल. आपल्या पूर्वजांची इच्छा भारत पूर्ण करेल.” बाबा सिद्दीकी यांनी ८ फेब्रुवारी रोजी काँग्रेसपासून वेगळे होण्याची जाहीर घोषणा केली होती. बाबा सिद्दीकी यांनी ‘X’ वर लिहिले होते, “मी किशोरवयात काँग्रेसमध्ये सामील झालो आणि 48 वर्षे चाललेला हा एक अद्भुत प्रवास होता.
आज मी काँग्रेसच्या प्राथमिक सदस्यत्वाचा तत्काळ प्रभावाने राजीनामा देत आहे. मला खूप काही सांगायचे आहे पण काही गोष्टी न सांगता सोडून दिलेले बरे. या प्रवासात माझ्यासोबत असलेल्या प्रत्येकाचे मी आभार मानू इच्छितो.
I joined the Indian National Congress party as a young teenager and it has been a significant journey lasting 48 years. Today I resign from the primary membership of the Indian National Congress Party @INCIndia with immediate effect. There’s a lot I would have liked to express…
— Baba Siddique (@BabaSiddique) February 8, 2024
महाराष्ट्रात काँग्रेसला गेल्या महिनाभरातील हा दुसरा मोठा धक्का आहे. यापूर्वी माजी केंद्रीय मंत्री मिलिंद देवरा यांनी पक्ष सोडला होता. देवरा यांनी एकनाथ शिंदे यांच्या शिवसेनेत प्रवेश केला. आपण ज्या पक्षात सामील झालो तो काँग्रेस आता राहिला नसल्याचा आरोप त्यांनी केला होता.
