ED : अंमलबजावणी संचालनालयाने (ED) मुंबई एनसीबीचे माजी झोनल संचालक समीर वानखेडे यांच्याविरोधात गुन्हा दाखल केला आहे. मनी लाँड्रिंग प्रकरणी गुन्हा दाखल करण्यात आला आहे. याप्रकरणी आता ईडीने समीर वानखेडेविरोधात चौकशी सुरू केली आहे. याशिवाय केंद्रीय संस्थेने एनसीबीच्या तीन अधिकाऱ्यांनाही चौकशीसाठी बोलावले आहे.
5 कोटींची लाच मागितल्याचा आरोप
अमली पदार्थाच्या गुन्ह्यातून आपल्या मुलाची निर्दोष मुक्तता करण्यासाठी अभिनेता शाहरुख खानच्या कुटुंबाकडून 25 कोटी रुपयांची लाच मागितल्याप्रकरणी केंद्रीय अन्वेषण विभागाने (सीबीआय) दाखल केलेल्या एफआयआरची अंमलबजावणी संचालनालयाने दखल घेतली आहे.
वानखेडे यांनी मुंबई उच्च न्यायालयात धाव घेतली
सीमाशुल्क आणि अप्रत्यक्ष कर संवर्गातील 2008 च्या बॅचचे भारतीय महसूल सेवा अधिकारी वानखेडे यांनी ईडीच्या कोणत्याही जबरदस्ती कारवाईपासून संरक्षण मिळावे यासाठी मुंबई उच्च न्यायालयात धाव घेतली आहे.
IRS officer Sameer Wankhede, former NCB zonal director has approached the Bombay High Court against the money laundering case registered by ED.
— Bar & Bench (@barandbench) February 10, 2024
The case is based on the CBI FIR alleging demand of bribe of ₹25 crore from Bollywood actor Shah Rukh Khan in exchange for not… pic.twitter.com/JnfITfzwFm
काय प्रकरण आहे?
वास्तविक, आर्यन खानला 2 ऑक्टोबर 2021 रोजी कॉर्डेलिया क्रूझ जहाजातून ड्रग्ज सापडल्याप्रकरणी अटक करण्यात आली होती. या प्रकरणात आर्यनला दोषमुक्त करण्यासाठी लाच मागितल्याचा आरोप करण्यात आला आहे.
एनसीबीच्या तक्रारीवरून सीबीआयने वानखेडे आणि इतरांविरुद्ध भारतीय दंड संहितेच्या कलम 120-बी (गुन्हेगारी कट) आणि 388 (खंडणीची धमकी) अंतर्गत गुन्हा दाखल केला होता. .
वर्षभरानंतर एनसीबीने क्रूझवर सापडलेल्या ड्रग्ज प्रकरणी 14 आरोपींविरुद्ध आरोपपत्र दाखल केले होते, मात्र आर्यन खानला क्लीन चिट देण्यात आली होती.
ED registers a case against former Mumbai NCB zonal director Sameer Wankhede. ED has now started an investigation into the money laundering case against Sameer Wankhede. ED has also summoned three NCB officers for questioning: Enforcement Directorate
— ANI (@ANI) February 10, 2024
