IND vs AFG 1st T20 : भारत आणि अफगाणिस्तान यांच्यातील 3 सामन्यांच्या मालिकेतील पहिला T20 आंतरराष्ट्रीय सामना पंजाब क्रिकेट असोसिएशन IS बिंद्रा स्टेडियम मोहाली येथे खेळवला जात आहे. यजमान भारत 15 महिन्यांनंतर येथे टी-20 सामना खेळत आहे. दोन्ही संघांची ही पहिलीच T20 द्विपक्षीय मालिका आहे. याआधी दोघेही आशिया चषक किंवा T20 विश्वचषकात आमनेसामने आले होते. प्रत्येक वेळी भारतीय संघ जिंकला आहे. अफगाणिस्तान अजूनही टी-20 मध्ये भारताविरुद्धच्या पहिल्या विजयाची प्रतीक्षा करत आहे. रोहित शर्मा आणि विराट कोहली 14 महिन्यांनंतर भारताच्या T20 संघात परतले आहेत. वैयक्तिक कारणांमुळे विराट पहिल्या T20 मध्ये खेळत नाहीये. भारताने नाणेफेक जिंकून प्रथम गोलंदाजी करण्याचा निर्णय घेतला.
मोहालीमध्ये भारताने आतापर्यंत 4 टी-20 सामने जिंकले आहेत. भारतीय संघाने आतापर्यंत अफगाणिस्तानविरुद्ध 4 सामने जिंकले आहेत तर एक टी-20 अनिर्णित राहिला आहे. भारताने शेवटचा 2019 मध्ये मोहालीमध्ये विजय मिळवला होता. त्यानंतर टीम इंडियाने टी-20 मध्ये दक्षिण आफ्रिकेचा 6 विकेटने पराभव केला. अफगाणिस्तानला संपूर्ण मालिकेतून वगळण्यात आलेला स्टार फिरकी गोलंदाज राशिद खानची सेवा मिळू शकणार नाही. सामन्याच्या पूर्वसंध्येला अफगाणिस्तानचा कर्णधार इब्राहिम झद्रानने राशिद खानला वगळण्याची पुष्टी केली. त्याचवेळी टीम इंडियाचे मुख्य प्रशिक्षक राहुल द्रविड यांनी विराट कोहली पहिल्या T20 मधून बाहेर असल्याची बातमी दिली होती. विराट मालिकेतील दुसऱ्या आणि तिसऱ्या टी-२० सामन्यासाठी उपलब्ध असेल. अफगाणिस्तानविरुद्ध विराटचा विक्रम अतिशय उत्कृष्ट आहे.
भारत इलेव्हन
रोहित शर्मा (कर्णधार), शुभमन गिल, टिळक वर्मा, शिवम दुबे, जितेश शर्मा (यष्टीरक्षक), रिंकू सिंग, अक्षर पटेल, वॉशिंग्टन सुंदर, रवी बिश्नोई, अर्शदीप सिंग, मुकेश कुमार.
अफगाणिस्तान इलेव्हन
रहमानउल्ला गुरबाज (विकेटकीपर), इब्राहिम जद्रान (कर्णधार), रहमत शाह, अजमतुल्ला उमरझाई, मोहम्मद नबी, नजीबुल्ला जद्रान, करीम जनात, गुलबदीन नायब, फजलहक फारुकी, नवीन-उल-हक, मुजीब उर रहमान.
#TeamIndia Captain @ImRo45 wins the toss and elects to bowl first in the 1st T20I.
— BCCI (@BCCI) January 11, 2024
A look at our Playing XI for the game.
Live – https://t.co/hhj7wGbXqt #INDvAFG @IDFCFIRSTBank pic.twitter.com/AUlCcYwCXP
