Inbar Lieberman : इस्रायल हमासच्या युद्धाचे सोशल मिडीयावर फोटो, व्हिडीओ येत आहेत. तर या युद्धात दहशतवाद्यांनी इस्रायलमध्ये घुसून 1000 हून अधिक लोकांची हत्या केली, पण 25 वर्षीय इनबार लिबरमन Inbar Liebermanला हमासच्या दहशतवाद्यांकडे उत्तर नव्हते. इनबार लिबरमन यांनी काही लोकांना सोबत घेवून केवळ हमासच्या हल्ल्यापासून आपल्या समुदायाला वाचवले नाही तर हमासच्या दोन डझनहून अधिक दहशतवाद्यांना ठार केले. एकट्या लिबरमनने यापैकी पाच जणांना ठार केले. लीबरमनची तिच्या या शौर्यासाठी जगभरात चर्चा होत असून इस्त्रायली लोकांच्या नजरेत ती हिरो म्हणून उदयास आली आहे.
लीबरमनने आपल्या सहकाऱ्यांसह दहशतवाद्यांशी मुकाबला केला
इनबार लिबरमन हे गाझा पट्टीपासून अवघ्या काही किलोमीटर अंतरावर असलेल्या Nir Am या किबुट्झ समुदायाचे सुरक्षा समन्वयक आहेत. मीडिया रिपोर्ट्सनुसार, शनिवारी हमासच्या दहशतवाद्यांनी इस्रायलवर हल्ला करताच लीबरमन यांना स्फोटांचे आवाज ऐकू आले. स्फोटांचा आवाज ऐकताच लीबरमन सावध झाली आणि तिने ताबडतोब 12 लोकांच्या सुरक्षा पथकासह कार्यभार स्वीकारला. लीबरमनने अप्रतिम शौर्य आणि सतर्कता दाखवत आपल्या साथीदारांना सामरिकदृष्ट्या महत्त्वाच्या आघाड्यांवर तैनात केले आणि हमासच्या दहशतवाद्यांनी किबुत्झ नीर आमवर हल्ला करताच, लीबरमन आणि त्यांच्या टीमने चार तास दहशतवाद्यांशी धैर्याने मुकाबला केला आणि दोन डझनहून अधिक दहशतवाद्यांना ठार केले.
दहशतवाद्यांनी निर आमच्या आजूबाजूच्या किबुत्झ किंवा समुदायाच्या गावांमध्ये नरसंहार केला आणि शेकडो लोकांना ठार केले, पण दहशतवाद्यांना निर आममध्ये कोणतेही नुकसान करता आले नाही. इनबार लिबरमनच्या शौर्याची इस्त्रायली सोशल मीडियावरही चर्चा होत असून इस्त्रायली सरकारने लिबरमनचा सन्मान करावा अशी मागणी लोक करत आहेत.
Israeli woman Inbar Lieberman hailed a hero for saving kibbutz Nir Am from invading Hamas https://t.co/GaRNBjghv3 pic.twitter.com/a9mGWN4Hp4
— Daily Mail Online (@MailOnline) October 10, 2023
