DIG Vijayakumar : तामिळनाडूच्या राजधानी चेन्नईतून एक धक्कादायक घटना समोर आली आहे. कोईम्बतूरचे DIG विजय कुमार यांनी शुक्रवारी सकाळी आत्महत्या केली. त्याने आपल्या सर्व्हिस रिव्हॉल्व्हरने स्वतःवर गोळी झाडून घेतल्याचे सांगण्यात येत आहे. या घटनेनंतर संपूर्ण पोलीस विभागात खळबळ उडाली आहे. माहिती मिळताच पोलिसांनी घटनास्थळ गाठून मृतदेह पीएमसाठी पाठवून पुढील कारवाई सुरू केली.
मिळालेल्या माहितीनुसार, वरिष्ठ IPS अधिकारी डीआयजी विजय कुमार DIG Vijayakumar यांनी सर्व्हिस पिस्तूलने स्वतःवर गोळी झाडली, त्यानंतर त्यांचा जागीच मृत्यू झाला. मात्र, विजय कुमार यांनी स्वत:वर गोळी का झाडली हे अद्याप समजू शकलेले नाही.
विजयकुमार हे सकाळी फिरायला गेले होते आणि सकाळी 6.45 च्या सुमारास त्यांच्या कॅम्प ऑफिसमध्ये पोहोचल्याचे सूत्रांनी सांगितले. त्याने आपल्या वैयक्तिक सुरक्षा अधिकाऱ्याला आपले पिस्तूल देण्यास सांगितले आणि सकाळी 6.50 च्या सुमारास कॅम्प ऑफिसच्या बाहेर येऊन स्वतःवर गोळी झाडली. आत्महत्येचे कारण अद्याप समजू शकलेले नाही. त्याचा मृतदेह पोस्टमॉर्टमसाठी कोईम्बतूर मेडिकल कॉलेज हॉस्पिटलमध्ये पाठवण्यात आला आहे. विजयकुमार यांनी 6 जानेवारी 2023 रोजी कोईम्बतूर रेंजचे डीआयजी म्हणून पदभार स्वीकारला होता.
