सांगली – ज्योती मोरे
आळंदी येथे वारकऱ्यांवर पोलिसांनी लाठीमार केल्याची धक्कादायक घटना नुकतीच घडली आहे. वारकरी आपल्या भावना व्यक्त करत असताना त्यांना अडवून धक्काबुक्की करत लाठीमार करणे हे आजपर्यंतच्या इतिहासात कधीच घडले नाही. ही अत्यंत खेदाची बाब असल्याने वारकरी साहित्य परिषदेचे अध्यक्ष विठ्ठल पाटील यांनी निषेध केला.
दरम्यान वारकरी प्रेमाने जिंका लाठीने नको,महाराष्ट्राच्या गृहमंत्र्यांनी या विषयावर भाष्य करावं आणि पोलिसांना तशा सूचना द्याव्यात.अन्यथा या परंपरेचा अपमान सहन करणार नसल्याचा इशाराही विठ्ठल पाटील यांनी पुढे बोलताना दिला आहे.
