अकोल्याच्या सर्वोपचार रुग्णालयातून एक धक्कादायक बातमी समोर आली. एका महिलेने रुग्णालयाच्या शौचालयात आपल जीवन संपविल. या महिलेचं बाळ सीसीयूमध्ये भरती होते. आणि ती बाळाला सोडून गेल्या चार दिवसापासून ती बेपत्ता झाली होती. अनेक ठिकाणी तिचा शोध घेतला, मात्र ती सापडली नाही. अखेर आज रुग्णालयातील एक शौचालयात ती मृतावस्थेत आढळून आलीय.
आज सकाळी शौचालयातून दुर्गंधी येत होती. दरवाजा आतून बंद असल्याने संशय आला. सिटी कोतवाली पोलीस घटनास्थळी दाखल झाले. पोलिसांनी शौचालयाचे दार तोडले. शौचालयात एका महिलेचा कुजलेल्या अवस्थेत मृतदेह आढळून आला. या घटनेमुळे सारेचं हादरले.
मृतदेह पोलिसांनी पंचनामा करून शवविच्छेदनासाठी पाठवला आहे. पण या महिलेने का आत्महत्या केली याचा तपास पोलीस करत आहे. या महिलेला मुलगी झाली असल्याने या महिलेने आत्महत्या केली असल्याची चर्चा रुग्णालय परिसरात सुरु होती. पोलीस तपासानंतरच ही बाब स्पष्ट होईल. मात्र, छोट्याशा बाळाला ठेवून तीनं जीवन संपवलं. त्यामुळं ते बाळ आता आईविना पोरकं झालं आहे.
