बॉलिवूड अभिनेत्री सुष्मिता सेनने नुकताच हृदयविकाराचा झटका आल्याचा खुलासा केला आहे. यानंतर तिला अँजिओप्लास्टी करावी लागली, असेही अभिनेत्रीने सांगितले. आता तिची तब्बेत बरी असल्याचे सांगितले. गुरुवारी दुपारी माजी मिस युनिव्हर्सने सोशल मीडियावर तिच्या चाहत्यांना या संदर्भात माहिती दिली.
47 वर्षीय अभिनेत्रीने गुरुवारी इन्स्टाग्रामवर तिचे आरोग्य अपडेट शेअर केले. वडील सुबीर सेन यांच्यासोबतचा एक फोटो पोस्ट करत तिने लिहिले – मला काही दिवसांपूर्वी हृदयविकाराचा झटका आला… अँजिओप्लास्टी करण्यात आली… स्टेंटही टाकण्यात आले. सर्वात महत्त्वाचे म्हणजे माझ्या डॉक्टरांनी ‘माझे हृदय मोठे आहे’ याची पुष्टी केली आहे. वेळेवर मदत केल्याबद्दल धन्यवाद…. चांगली बातमी अशी आहे की सर्व काही ठीक आहे आणि मी पुन्हा आयुष्य जगण्यास तयार आहे. मी तुमच्यावर खूप प्रेम करते !!!!
सुष्मिता सेन बीवी नंबर 1, डू नॉट डिस्टर्ब, मैं हूं ना, मैने प्यार क्यूं किया, तुमको ना भूल पायेंगे आणि नो प्रॉब्लेम यांसारख्या चित्रपटांमध्ये अभिनयासाठी ओळखली जाते. ‘आर्या’ या मालिकेद्वारे तो अभिनयात परतली. ही अभिनेत्री लवकरच मालिकेच्या तिसऱ्या सीझनमध्ये दिसणार आहे.
