Telangana kidnapping : तेलंगणातील सिरसिल्ला येथील शालिनी या १८ वर्षीय मुलीच्या अपहरण प्रकरणात नवा ट्विस्ट आला आहे. तरुणीने आरोपीसोबत लग्न केल्यानंतर एक व्हिडिओ जारी केला आहे. आम्ही ४ वर्षांपासून रिलेशनशिपमध्ये आहोत आणि वर्षभरापूर्वी लग्न झाल्याचं तरुणीने व्हिडिओमध्ये म्हटलं आहे. आम्ही अल्पवयीन असल्याने हा विवाह वैध नव्हता.
शालिनी म्हणाल्या की, माझ्या आई-वडिलांनी आरोपी (आताचा पती) विरुद्ध गुन्हा नोंदवला आणि मला घरी परत आणले. शालिनी म्हणाल्या की, माझे पती दलित कुटुंबातील असल्याने माझे कुटुंबीय त्यांना स्वीकारत नव्हते. माझे नातेवाईक माझ्या दुसऱ्या लग्नाची व्यवस्था करत होते.
मुलीने तिच्या पालकांवर आरोप केले
शालिनी म्हणाली की, मी माझ्या पतीला दुसऱ्या लग्नाबद्दल सांगितले, त्यानंतर तो माझ्या सांगण्यावरून आला आणि मला माझ्या वडिलांसमोर उचलून घेऊन गेला. शालिनीने पोलिसांकडे संरक्षणाची विनंती केली आहे. तसेच मला आणि माझ्या पतीला माझ्या आई-वडिलांपासून धोका असल्याचे सांगितले.
काय आहे संपूर्ण प्रकरण
मंगळवारी सोशल मीडियावर एक व्हिडिओ समोर आला. तेलंगणात वडिलांसमोरच त्याच्या 18 वर्षीय मुलीचे अपहरण करण्यात आल्याचे सांगण्यात आले. प्रकरण सिरिल्ला जिल्ह्यातील होते. मीडिया रिपोर्ट्सनुसार, मुलगी मंदिरात दर्शन करून घरी परतत असताना तिचे अपहरण करण्यात आले.
वेमुलवाडा डीएसपी नागेंद्र चारी यांनी या घटनेला दुजोरा दिला आहे. वृत्तसंस्था एएनआयने दिलेल्या माहितीनुसार, डीएसपी नागेंद्र चारी यांनी सांगितले की, मुलीच्या वडिलांनी केलेल्या तक्रारीनंतर गुन्हा दाखल करण्यात आला आहे. मुलीचा शोध सुरू होता.
डीएसपीने सांगितले की, तरुणी यापूर्वी तिच्या प्रियकरासह पळून गेली होती. त्याने सांगितले की आता ती प्रौढ झाली आहे, तो (तिचा प्रियकर) तिला घेऊन गेला असावा. त्यांना पकडण्यासाठी ३ पथके तयार करण्यात आली होती, मात्र आता तरुणीचा व्हिडिओ समोर आल्याने पोलीस कोणती करवाई करतील ते पाहावे लागेल.
