यवतमाळमध्ये हृदयद्रावक घटना समोर आली आहे. जिल्ह्यातील कळंब तालुक्यातील तीरझडा या पारधी बेळ्यावर सासरी आलेल्या एका व्यक्तीने पत्नी आणि सासऱ्यासह चौघांची हत्या केली. उर्वरित दोन जण त्याचे मेहुणे असल्याचे सांगण्यात येत आहे. आरोपी गोविंद पवार याला कळंब पोलिसांनी अटक केली. काल रात्री झालेल्या या हत्याकांडाने सर्वत्र खळबळ उडाली.
एवढेच नाही तर या नराधमाने खुनाच्या उद्देशाने सासूवरही हल्ला केला, ज्यात ती जबर जखमी झाली. तिला गंभीर अवस्थेत रुग्णालयात दाखल करण्यात आले आहे. आरोपीने गळा चिरून हत्या केली. पोलीस घटनास्थळी पोहोचले असून तपासात गुंतले आहेत. मृतदेह शवविच्छेदनासाठी पाठवण्यात आले असून पोलीस पुढील कारवाईत व्यस्त आहेत. हत्येची ही बातमी परिसरात वाऱ्यासारखी पसरली.
पत्नीच्या चारित्र्यावर संशय हे हत्येचे कारण आहे
या घटनेनंतर घटनास्थळी एकच हाहाकार उडाला. घटनास्थळी नागरिकांची मोठी गर्दी केली होती. आजूबाजूचे लोक आले तेव्हा सर्वत्र रक्त पसरले होते. वृत्तानुसार, आरोपी जावयाने पत्नीच्या चारित्र्यावर संशय घेऊन ही हत्या केली. तो अनेकदा पत्नीला मारहाण करत असल्याचे शेजारील लोक आणि कुटुंबीयांनी सांगितले.
काही कारणावरून भांडण झाल्यानंतर त्याची पत्नी आई-वडिलांच्या घरी गेली होती. यानंतर रागाच्या भरात त्याने रात्री सासरच्या घरी जाऊन हा गुन्हा केला. घटनेनंतर तो घटनास्थळावरून फरार झाला होता. त्या नंतर पोलिसांनी त्याला अटक केली आहे. तो पत्नीचा मानसिक छळ करत असायचा.
