viral video: कर्नाटकातील मंगळुरूमध्ये हिट अँड रनचे प्रकरण समोर आले आहे. येथील फूटपाथवरून पायी जाणाऱ्या पाच जणांना काल दुपारी चारच्या सुमारास भरधाव कारने धडक दिली. या अपघातात एका महिलेचा मृत्यू झाला, तर चार जण गंभीर जखमी झाले.
घटना सीसीटीव्ही कॅमेऱ्यात कैद झाली, लोक मंगळुरूमधील मन्नागुड्डा जंक्शनजवळ विरळ लोकवस्तीच्या फूटपाथवरून चालताना दिसतात. तेवढ्यात अचानक एक कार येते आणि फूटपाथवर असलेल्या पाच जणांना (दोन महिला आणि तीन मुली) धडकते.
ह्युंदाई इऑन कार कमलेश बलदेव चालवत असल्याचे पोलिसांनी सांगितले. मागून येणाऱ्या कारने चौघांना आधी धडक दिल्याचे व्हिडिओत दिसत आहे. एका महिलेला चिरडल्यानंतर दुसऱ्या महिलेला धडक दिली, तिनेही गाडी जवळ येत असल्याचे पाहून पळून जाण्याचा प्रयत्न केला. एवढेच नाही तर कार फूटपाथवरील खांबाला धडकली. नंतर, कार चालक दुभाजकाला धडकण्यापूर्वी महिलेला काही मीटरपर्यंत ओढत नेतो.
संपूर्ण घटना सहा सेकंदात घडली
अवघ्या सहा सेकंदात ही घटना घडली. आजूबाजूचे लोक समजण्यापूर्वीच आरोपीने कारने पाच जणांना धडक दिली, ज्यामध्ये एका महिलेचा मृत्यू झाला, तर तीन मुलींसह चार जण जखमी झाले. आरोपी नंतर फरार झाला. आरोपीने कार एका शोरूमसमोर उभी केली आणि तो त्याच्या घरी गेला. पोलिसांनी सांगितले की, आरोपी वडिलांसोबत पोलिस ठाण्यात आला.
VIDEO | A woman died and four others were left injured after a speeding car drove onto the footpath and hit pedestrians near Mannagudda junction in Karnataka's Mangaluru earlier today.
— Press Trust of India (@PTI_News) October 18, 2023
(Disclaimer: Disturbing visuals, viewer discretion is advised.)
(Source: Third Party) pic.twitter.com/DegX9AudNE
video मधील दृश्य विचलित करू शकतात…
