सोशल मीडियावर जंगल सफारीचा एक भयानक व्हिडिओ व्हायरल होत आहे, जो पश्चिम बंगालमधील जलदापारा राष्ट्रीय उद्यानाचा आहे. हा व्हिडीओ 18 सेकंदाचा आहे ज्यात आपण पाहू शकता की सुमारे 6 पर्यटक मुरुतीच्या जिप्सी कारमध्ये जंगल सफारीचा आनंद घेत असताना अचानक एक गेंडा झुडपातून बाहेर येतो आणि त्यांच्या गाडीवर हल्ला करतो.
ड्रायव्हर वेगाने गाडीला मागे घेवू लागतो. अशा परिस्थितीत, वाहन तिरकस दिशेने जाऊ लागते आणि रस्त्यापासून दूर जाते आणि कच्च्या रस्त्यावर जाते. अशा वेळी वाहनाचा तोल गेल्याने ते पलटी होते. मात्र, गेंडा पळून जातो, तर इतर पर्यटकांच्या मदतीसाठी धावून येतात. व्हिडिओ या टप्प्यावर संपतो.
हा व्हिडिओ ‘इंडियन फॉरेस्ट सर्व्हिस’ (IFS) अधिकारी सुशांत नंदा (@susantananda3) यांनी 25 फेब्रुवारी रोजी ट्विटरवर पोस्ट केला होता आणि लिहिले होते – आमच्या वाइल्ड सफारीच्या मार्गात काय त्रुटी आहेत हे दाखवते… वन्य प्राण्यांची गोपनीयता ( गोपनीयतेचा आदर करा). स्वत:ची सुरक्षा प्रथम येते. गेंडा आणि पर्यटक दोघेही सुरक्षित असल्याची माहिती मला मिळाली आहे.
प्रत्येकजण इतका भाग्यवान असेलच असे नाही. अधिकारी यांच्या ट्विटला आतापर्यंत 2500 हून अधिक लाईक्स आणि शेकडो प्रतिक्रिया मिळाल्या आहेत. त्याचबरोबर हा व्हिडिओ अडीच लाखांहून अधिक वेळा पाहिला गेला आहे. यावर अनेकांनी आपल्या प्रतिक्रिया दिल्या की व्हिडिओ बनवण्याच्या प्रक्रियेत लोक आपला जीव धोक्यात घालत आहेत. तर काहींनी प्राण्यांपासून योग्य अंतर ठेवणे आवश्यक असल्याचे सांगितले.
