न्यूज डेस्क : किडनीच्या आजारावर उपचारासाठी रुग्णालयात आलेल्या हिंदू महिलेवर बलात्कार केल्याची घटना पाकिस्तातून समोर आली आहे. पाकिस्तानात हिंदूंची संख्या कमी असल्याने अश्या बर्याच घटना तेथे घडतात तर अनेक घटना बाहेर सुद्धा येत नाही. घटना पाकिस्तानच्या सिंध प्रांतातील इंडस हॉस्पिटलची आहे. उपचाराच्या बहाण्याने डॉक्टरांनी आधी महिलेला बेशुद्ध केले, असा आरोप आहे. त्यानंतर त्याने २३ वर्षीय महिला रुग्णावर बलात्कार केला.
रिपोर्ट्सनुसार, बलात्काराच्या घटनेनंतर महिला रुग्णाची प्रकृती बिघडली, त्यानंतर तिला हैदराबाद येथील रुग्णालयात दाखल करण्यात आले. सोशल मीडियावर व्हायरल झालेल्या एका व्हिडीओमध्ये पीडिता तिच्या त्रासाचे कथन करताना दिसत आहे.
सिंधू हॉस्पिटलच्या किडनी वॉर्डमध्ये ही घटना घडली
सिंध प्रांतातील तांडो मुहम्मद खान शहरातील सिंधू हॉस्पिटलच्या किडनी वॉर्डमध्ये ही घटना घडली. सिंधू रुग्णालयातील डॉक्टरांनी बलात्कार केल्यानंतर सीमाची प्रकृती बिघडल्याने तिला हैदराबाद येथील रुग्णालयात हलवण्यात आले आहे.
याठिकाणी पीडितेने तिचे म्हणणे नोंदवताना तिचा त्रास कथन केला. उपचाराच्या बहाण्याने आधी मला बेशुद्ध करण्यात आल्याचे त्यांनी सांगितले. यानंतर माझ्याशी चुकीची वागणूक देण्यात आली. दुसरीकडे ही घटना उघडकीस आल्यानंतर पीडित महिलेच्या पालकांनी निषेध केला. पीडितेच्या पालकांनी अल्पसंख्याकांसाठी असलेल्या रुग्णालयांमध्ये सुरक्षा उपायांचा अभाव अधोरेखित केला.
आंदोलनाची माहिती मिळताच पोलिसांनी घटनास्थळ गाठून कारवाईची घोषणा केली. आरोपी डॉक्टरांच्या शोधात पोलीस सिंधू हॉस्पिटलमध्ये पोहोचले असता आरोपी तेथून पळून गेले होते. पोलिसांनी दिलेल्या माहितीनुसार, आरोपी डॉक्टरांना लवकरच अटक करून योग्य ती कारवाई केली जाईल.
