न्युज डेस्क : संसदेवरील हल्ल्याच्या 22 व्या वर्धापनदिनानिमित्त बुधवारी 13 डिसेंबर सभागृहात गोंधळ झाला. दोन जणांनी घोषणाबाजी करत संसदेबाहेर पिवळा धूर सोडला, तर लोकसभेच्या आतील अभ्यागतांच्या गॅलरीतून दोन तरुणांनी सभागृहात उड्या मारल्या. बेंचवर उडी मारताना तरुणाने काहीतरी फवारले, त्यामुळे सभागृहात पिवळा धूर पसरला. पोलिसांनी चार जणांना अटक केली आहे. तर दोन जण फरार झाले आहेत. अटक करण्यात आलेल्यांमध्ये एका महिलेचाही समावेश आहे आणि एक लातूरचा आहे.
नीलम असे या महिलेचे नाव आहे. नीलम जींद जिल्ह्यातील उचाना गावातील रहिवासी आहे. सध्या ती हिसार येथे राहून पुढील शिक्षण घेत आहे. नीलमच्या कुटुंबीयांनी तिचा कोणत्याही राजकीय पक्षाशी किंवा संघटनेशी संबंध नसल्याचा इन्कार केला आहे. नीलमचा भाऊ रामनिवास याने प्रसारमाध्यमांशी बोलताना सांगितले की, त्यांना त्यांच्या एका नातेवाईकाकडून या घटनेची माहिती मिळाली. टीव्हीवरील बातमी पाहून नातेवाईकाने त्याला लगेच फोन केला होता.
तर दुसरा अमोल धनराज शिंदे सभागृहात धुराचे नळकांड्या फोडणारा लातूर जिल्ह्यातील आहे. अमोलच्या घरी केलेल्या तपासणीत तो दलित समाजाचा असल्याचे समोर आले. त्यांच्या घरची आर्थिक परिस्थिती हलाखीची आहे. अमोलचे आई-वडील मजुरीचे काम करतात. अमोल हा लातूर जिल्ह्यातील चाकूर तालुक्यातील झरी (नवकुंडाची) येथील रहिवासी आहे. त्याचे वय 25 ते 27 वर्षांच्या दरम्यान असल्याचे सांगण्यात येत आहे.
अटक केलेल्या चार आरोपींचा काय संबंध? या प्रश्नांची उत्तरे शोधण्यात संसद मार्ग पोलीस ठाणे शोधत आहे. आतापर्यंत मिळालेल्या माहितीनुसार, दिल्ली पोलिसांनी दिलेल्या माहितीच्या आधारे लातूर,पोलीस अमोल शिंदेच्या घरी पोहोचले, जिथे त्याच्या पालकांची चौकशी केली जात आहे.
#WATCH | Jind, Haryana | Younger brother of one of the accused – Neelam – who was caught from outside the Parliament, says, "…We didn't even know that she went to Delhi. All we knew was that she was in Hisar for her studies…She had visited us the day before yesterday and… pic.twitter.com/tTtYm3tXfP
— ANI (@ANI) December 13, 2023
#WATCH | Jind, Haryana | Mother of one of the accused – Neelam – who was caught from outside the Parliament, says, "…She was worried about unemployment…I had spoken with her but she never told me anything about Delhi. She used to tell me that she is so highly qualified but… pic.twitter.com/JEnVysK2UB
— ANI (@ANI) December 13, 2023
लोकसभेत प्रवेश केलेल्या दोन आरोपींची नावे आहेत सागर शर्मा, रहिवासी, लखनौ, आणि मनोरंजन डी, रहिवासी, मैसूरू, कर्नाटक. दुसऱ्या आरोपीने धुराचे लोट बाहेर सोडले, त्याचे नाव अमोल शिंदे (25) रा. लातूर, महाराष्ट्र असे आहे. लोकसभेच्या सुरक्षेचा भंग करणाऱ्या हल्लेखोरांपैकी एकाचा व्हिजिटर पास भाजप खासदार प्रताप सिन्हा यांच्या कार्यालयातून जारी करण्यात आल्याचे दिसून येते.
