न्युज डेस्क – सध्या डिजिटल युगात सोशल मिडीयावर रील बनविण्याची मोठी स्पर्धा आहे. पण कधी रील बनविणे महागात पडू शकते. असाच एक व्हिडिओ व्हायरल होत आहे, ज्यामध्ये एक सोशल मीडिया प्रभावकार कारच्या बोनेटवर बसून मजा करताना दिसत आहे. ही दुसरी गाडी नसून पोलीस एसएचओची गाडी आहे. आता अशा पद्धतीने कोणी पोलिसांच्या वाहनाचा वापर करत असेल, तर त्यावर प्रश्न उपस्थित करणे योग्य आहे.
गाडीवर बसलेली मुलगी दुसरी कोणी नसून एक युट्युबर आहे, जी पोलीस स्टेशन प्रभारींच्या अधिकृत वाहनावर स्वार होऊन रील बनवत आहे. इतकंच नाही तर व्हिडीओमध्ये मुलगी स्वतःला सिंहीण म्हणवून घेत आहे आणि ‘मैं हां शेर दी शेरनी’ असं म्हणत आहे. ही मुलगी तिच्या अनोख्या रीलांमुळे आधीच वादात सापडल्याचे बोलले जात आहे. काही काळापूर्वी या मुलीने शूटिंगचा रिल बनवला होता.
ही क्लिप X वर (@SharmaMridul_) नावाच्या वापरकर्त्याने शेअर केली आहे. त्यांनी कॅप्शनमध्ये लिहिले – पोलीस आयुक्त कुलदीप चहल आयपीएस यांनी निरीक्षक/एसएचओ अशोक शर्मा यांना निलंबित केले आहे. एसएचओने इंस्टाग्राम स्टारला तिच्या रील/व्हिडिओसाठी सरकारी पोलिस जीप वापरण्याची परवानगी दिल्याने ही कारवाई करण्यात आली.
28 सप्टेंबर रोजी पोस्ट केलेल्या या व्हिडिओची खूप चर्चा होत आहे. 36 सेकंदाच्या क्लिपमध्ये मुलगी बोनेटवर बसलेली दिसत आहे. बॅकग्राऊंडमध्ये ‘शेर दी शेरनी’ हे गाणं वाजतंय. यावर ती स्टाईलमध्ये डान्स करते. मग ती खाली उतरून पोलिसाजवळ उभी राहते.
या घटनेनंतर तरुणीने सोशल मीडियावर आपला खुलासा केला. ती म्हणाली – बुधवारी तिच्या मित्राचा वाढदिवस होता. सरही आले होते. मी कारचा व्हिडिओ बनवण्याचा विचार केला आणि तो इंस्टाग्रामवर पोस्ट केला. मला माहित नव्हते की हा इतका मोठा मुद्दा होईल. मी चुकून हा व्हिडिओ पोस्ट केला आहे.
