न्यूज डेस्क : विश्वचषकासाठी भारतीय क्रिकेट संघाची नवी जर्सी लाँच करण्यात आली आहे. टीम इंडियाचे अधिकृत किट प्रायोजक आदिदासने आज बुधवारी २० सप्टेंबर रोजी एक व्हिडिओ शेअर केला. यामध्ये कर्णधार रोहित शर्मासह अनुभवी फलंदाज विराट कोहली, उपकर्णधार हार्दिक पंड्या, मोहम्मद सिराजसह अनेक खेळाडू दिसले. ५ ऑक्टोबरपासून भारतात विश्वचषक स्पर्धा होणार आहे. अंतिम सामना 19 नोव्हेंबर रोजी होणार आहे.
प्रसिद्ध भारतीय गायक रफ्तार याने गायलेल्या ‘3 का ड्रीम’ या गाण्यातून बहुप्रतिक्षित जर्सी रिलीज करण्यात आली. आदिदासच्या मते, जर्सी ही भारतीय संघाच्या अतुलनीय पाठिंब्याचा पुरावा आहे. ‘ड्रीम ऑफ 3’ हे लाखो चाहत्यांचे प्रतीक आहे जे आपल्या संघाला 1983 आणि 2011 नंतर तिसरा एकदिवसीय विश्वचषक जिंकताना पाहण्याचे स्वप्न पाहतात.
जर्सीवर तिरंग्याचे दोन तारे आणि तीन रंग
आदिदासने जर्सीमध्ये बदल केले आहेत. खांद्यावरच्या तीन पांढऱ्या पट्ट्यांच्या जागी त्याने तिरंग्याच्या तीन रंगांचा समावेश केला आहे. छातीच्या डाव्या बाजूला बीसीसीआयच्या लोगोवर आता दोन तारे आहेत, जे भारताच्या एकदिवसीय विश्वचषक विजयाचे प्रतीक आहे.
भारताचा पहिला सामना ऑस्ट्रेलियाशी होणार आहे
भारतीय संघ 8 ऑक्टोबर रोजी चेन्नई येथे ऑस्ट्रेलियाविरुद्धच्या विश्वचषकात आपल्या मोहिमेची सुरुवात करणार आहे. टीम इंडिया 14 ऑक्टोबरला अहमदाबादमध्ये पाकिस्तानविरुद्ध खेळणार आहे. विश्वचषकापूर्वी भारतीय संघ ऑस्ट्रेलियाविरुद्ध तीन सामन्यांची वनडे मालिका खेळणार आहे.
विश्वचषकासाठी भारतीय संघ
रोहित शर्मा (कर्णधार), हार्दिक पांड्या (उपकर्णधार), शुभमन गिल, विराट कोहली, श्रेयस अय्यर, केएल राहुल, रवींद्र जडेजा, शार्दुल ठाकूर, जसप्रीत बुमराह, मोहम्मद सिराज, कुलदीप यादव, मोहम्मद शमी, अक्षर पटेल, इशान किशन, सूर्यकुमार यादव.
1983 – the spark. 2011 – the glory.
— BCCI (@BCCI) September 20, 2023
2023 – the dream.
Impossible nahi yeh sapna, #3kaDream hai apna.@adidas pic.twitter.com/PC5cW7YhyQ
