Statue of Equality : भारताच्या राज्यघटनेचे निर्माते, बोधिसत्व डॉ. बी.आर. आंबेडकर यांच्या अमेरिकेतील सर्वात उंच पुतळ्याचे अनावरण राजधानी वॉशिंग्टन डीसी येथे करण्यात आले. यावेळी मोठ्या संख्येने भारतीय वंशाचे लोक उपस्थित होते आणि त्यांनी जय भीमच्या घोषणा दिल्या. डॉ.आंबेडकरांच्या पुतळ्याला ‘स्टॅच्यू ऑफ इक्वॅलिटी’ असे नाव देण्यात आले आहे. वॉशिंग्टन डीसीच्या मेरीलँड या उपनगरात डॉ.आंबेडकरांचा हा पुतळा बसवण्यात आला आहे.
भारतीय वंशाचे लोक मोठ्या संख्येने उपस्थित होते
पुतळ्याच्या अनावरणाच्या वेळी हलका रिमझिम पाऊस पडत होता, तरीही लोकांमध्ये उत्साह कमी नव्हता. पुतळ्याच्या अनावरणाच्या वेळी अमेरिका आणि अगदी भारतातील काही लोक मेरीलँडमध्ये उपस्थित होते. तेथे पोहोचण्यासाठी अनेकांनी सुमारे 10 तासांचा प्रवास केला होता. या ऐतिहासिक प्रसंगी सुमारे 500 च्यावर भारतीय वंशाचे लोक उपस्थित होते. अमेरिकेत बसविण्यात आलेल्या डॉ.आंबेडकरांच्या या पुतळ्याचे अनावरण प्रसिद्ध शिल्पकार राम सुतार यांच्या हस्ते करण्यात आले. गुजरातमध्ये नर्मदा नदीच्या काठावर असलेला सरदार पटेल यांचा पुतळाही राम सुतार यांनी बांधला आहे. आंबेडकर इंटरनॅशनल सेंटरचे अध्यक्ष राम कुमार म्हणाले की, याला स्टॅच्यू ऑफ इक्वॅलिटी असे नाव देण्यात आले आहे कारण विषमता केवळ भारतातच नाही तर सर्वत्र वेगवेगळ्या स्वरूपात अस्तित्वात आहे.
Statue of Equality ‘समानतेचा पुतळा’ अमेरिकेतील राष्ट्रपती भवन व्हाईट हाऊसच्या दक्षिणेस 22 मैलांवर आहे. या पुतळ्याची उंची 19 फुट असून अमेरिकेत सर्वात उंच पुतळा असल्याचे सांगण्यात येत आहे. 13 एकरात बांधलेल्या या केंद्रात पुतळ्याशिवाय लायब्ररी, कन्व्हेन्शन सेंटर आणि बुद्ध गार्डन देखील आहे. दलित इंडियन चेंबर्स ऑफ कॉमर्स अँड इंडस्ट्रीचे राष्ट्रीय अध्यक्ष रवी कुमार नारा म्हणाले की, बाबासाहेबांच्या अमेरिकेतील पुतळ्याचे अनावरण हा ऐतिहासिक क्षण आहे. स्वातंत्र्याच्या ७५ वर्षांनंतर डॉ.आंबेडकरांनी किती महत्त्वाचे कार्य केले हे आता लोकांना कळले आहे, त्यामुळेच त्यांची लोकप्रियता दिवसेंदिवस वाढत आहे. पूर्वी ते फक्त दलित नेते मानले जात होते पण आता संपूर्ण देशाला माहित आहे की महिला सक्षमीकरण आणि समाजातील दुर्बल घटकांसाठी डॉ. आंबेडकरांचे योगदान किती महत्त्वाचे आहे.
रवी कुमार नारा हे डॉ. आंबेडकरांच्या पुतळ्याचे अनावरण करण्यासाठी भारतातून अमेरिकेत गेले आहेत. अमेरिकेतील आंबेडकरी चळवळीचे नेते दिलीप मस्के म्हणाले की, स्टॅच्यू ऑफ इक्वॅलिटी भारतातील 140 कोटी लोकांचे आणि 45 लाख भारतीय अमेरिकनांचे प्रतिनिधित्व करते. हा पुतळा अमेरिकेत राहणाऱ्या भारतीयांना प्रेरणा देत राहील, असे ते म्हणाले. डॉ.आंबेडकर यांच्या पुतळ्याच्या अनावरणाच्या वेळी सांस्कृतिक कार्यक्रमाचेही आयोजन करण्यात आले होते.
Statue of Equality: 19-Foot Statue of Dr. B.R. Ambedkar Unveiled in the US.
— Dalit Desk | दलित डेस्क (@dalitdesk) October 14, 2023
.
In a historic moment celebrating the legacy of Dr. B.R. Ambedkar, a towering 19-foot statue, aptly named the ‘Statue of Equality,’ unveiled in the United States on October 14th. This monumental… pic.twitter.com/meGM3JTDVF
