न्युज डेस्क – तमिळ चित्रपट आणि टीव्ही अभिनेता पवन यांचे निधन झाले. वयाच्या अवघ्या २५ व्या वर्षी या अभिनेत्याने या जगाचा निरोप घेतला. पवनचा त्याच्याच घरी मृत्यू झाल्याचे सांगण्यात येत आहे. मृत्यूचे कारण कार्डिएक अरेस्ट असल्याचे सांगितले जात आहे. मात्र पवनच्या मृत्यूबाबत अजून कोणतीही माहिती समोर आलेली नाही. असे कळते की अभिनेत्याचे 18 ऑगस्ट रोजी सकाळी 5 वाजता त्यांच्या मुंबईतील राहत्या घरी निधन झाले.
गेल्या काही महिन्यांपासून साऊथ फिल्म इंडस्ट्रीवर दुःखाचा डोंगर कोसळत आहे. आतापर्यंत अनेक सेलिब्रिटींनी या जगाचा निरोप घेतला आहे. नुकतेच कन्नड अभिनेता विजय राघवेंद्र यांच्या पत्नीचे निधन झाले. तामिळ अभिनेता मोहन 31 जुलै रोजी रस्त्यावर मृतावस्थेत आढळला होता. तसेच कन्नड अभिनेता सूरज कुमार याचाही रस्ता अपघातात मृत्यू झाला.
पवनच्या पार्थिवावर मंड्या येथे अंत्यसंस्कार होणार आहेत
पवन हा कर्नाटकातील मंड्या येथील रहिवासी होता. तिथेच त्यांच्या पार्थिवावर अंत्यसंस्कार करण्यात येणार आहेत. पवन कामानिमित्त बराच काळ कुटुंबासोबत मुंबईत राहत होता. साऊथशिवाय त्याने हिंदी टीव्ही शोमध्येही काम केले. तो नागराजू आणि सरस्वती यांचा पुत्र होता.
पवनच्या निधनामुळे कुटुंब आणि उद्योगजगतात शोककळा पसरली आहे.
त्यांच्या आकस्मिक निधनाने कुटुंबासह चाहत्यांना आणि दक्षिण चित्रपटसृष्टीला मोठा धक्का बसला आहे. मंड्याचे आमदार एचटी मंजू आणि ब्लॉक काँग्रेस अध्यक्ष बी नागेंद्र कुमार यांच्यासह अनेक नेत्यांनी पवन सिंग यांच्या निधनाबद्दल शोक व्यक्त केला. पुनीत राजकुमार आणि चिरंजीवी सर्जा यांचा हृदयविकाराच्या झटक्याने मृत्यू झाला.
