Sachin Tendulkar : भारतीय क्रिकेट संघाचा माजी कर्णधार आणि स्टार फलंदाज विराट कोहली दुसऱ्यांदा वडील झाला आहे. त्यांची पत्नी अनुष्का शर्माने एका मुलाला जन्म दिला. भारतीय क्रिकेटपटूने मंगळवारी (20 फेब्रुवारी) सोशल मीडियावर आपल्या मुलाच्या जन्माची माहिती दिली. यानंतर कोहलीचे अभिनंदन करणाऱ्यांची झुंबड उडाली. दरम्यान, ‘क्रिकेटचा देव’ सचिन तेंडुलकरने विराट आणि अनुष्काचे खास अभिनंदन केले.
सचिन तेंडुलकरने सोशल मीडिया साइट X वर पोस्ट करत लिहिले,”विराट कोहली आणि अनुष्का शर्मा यांचे अनमोल सदस्य, अकाय, तुमच्या सुंदर कुटुंबात आगमन झाल्याबद्दल अभिनंदन! जसे तिच्या नावाने खोली उजळून निघते, तसे तिने तुमचे जग अनंत आनंदाने आणि हास्याने भरावे. तुम्ही कायमचे जपून ठेवाल असे साहस आणि आठवणी येथे आहेत. जगामध्ये स्वागत आहे, लिटिल चैम्प!”
Congratulations to Virat and Anushka on the arrival of Akaay, a precious addition to your beautiful family! Just like his name lights up the room, may he fill your world with endless joy and laughter. Here's to the adventures and memories you'll cherish forever. Welcome to the… https://t.co/kjuoUtQ5WB
— Sachin Tendulkar (@sachin_rt) February 20, 2024
विराट कोहली आणि अनुष्का शर्मा यांनी आपापल्या सोशल मीडियावर एक पोस्टर शेअर केले आणि लिहिले, “अत्यंत आनंदाने आणि आमच्या प्रेमाने भरलेल्या अंतःकरणाने, आम्हाला हे सांगताना आनंद होत आहे की 15 फेब्रुवारी रोजी आम्ही आमच्या लहान मुलाचे ‘अकाय’ स्वागत केले.
सध्या भारतीय संघ इंग्लंडविरुद्ध पाच सामन्यांची कसोटी मालिका खेळत आहे. या मालिकेत विराट कोहली भारतीय संघाचा भाग नाही. विराटने वैयक्तिक कारणांमुळे बीसीसीआयकडे रजा मागितली होती. आता त्याची वैयक्तिक कारणे समोर आली आहेत.
भारत-इंग्लंड मालिकेतील तीन सामने खेळले गेले आहेत. तीन सामन्यांनंतर टीम इंडिया 2-1 ने आघाडीवर आहे. आता चौथा सामना 23 फेब्रुवारीपासून रांचीमध्ये होणार आहे.
