Russia Drone Attack : रशियातील कझान शहरात मोठा ड्रोन हल्ला झाला आहे. रशियन मीडियानुसार, कझानमधील अनेक बहुमजली इमारतींना ड्रोनने धडक दिली आहे. हा हल्ला 2001 मध्ये अमेरिकेत 11 सप्टेंबरला झालेल्या हल्ल्याप्रमाणेच करण्यात आला आहे. या हल्ल्यात किती नुकसान झाले याची माहिती अद्याप समोर आलेली नाही, मात्र ज्या प्रकारे ड्रोन निवासी इमारतींवर आदळले आणि इमारतींमध्ये स्फोट आणि आग लागली, त्यामुळे मोठे नुकसान होण्याची शक्यता आहे. या हल्ल्याचे व्हिडिओही समोर आले आहेत. रशियाच्या कुर्स्क भागातील रिलस्क शहरात युक्रेनच्या क्षेपणास्त्र हल्ल्यात एका मुलासह सहा जणांचा मृत्यू झाल्याची बातमी आहे. या हल्ल्यात आणखी 10 जण जखमी झाले आहेत.
युक्रेनवर ड्रोन हल्ल्याचा आरोप
हे हल्ले युक्रेनने केल्याचा दावा मीडिया रिपोर्ट्समध्ये करण्यात आला आहे. ड्रोन हल्ल्यानंतर कझान विमानतळावरील हवाई सेवा बंद करण्यात आली आहे. कझान शहर रशियाची राजधानी मॉस्कोपासून सुमारे 800 किलोमीटर पूर्वेला आहे. कझानमधील सहा निवासी इमारतींवर हे ड्रोन हल्ले झाले. मीडिया रिपोर्ट्सनुसार, कझान शहर युक्रेनच्या सीमेपासून सुमारे 900 किलोमीटर पूर्वेला आहे आणि यापूर्वी देखील युक्रेनच्या बाजूने कझानमध्ये ड्रोन हल्ले करण्यात आले आहेत. रशियाच्या संरक्षण मंत्र्यांनी दावा केला आहे की त्यांच्या सैन्याने 12 युक्रेनियन ड्रोन नष्ट केले आहेत. रशियातील रोस्तोव येथील दोन तेल डेपोमध्ये काल रात्री आग लागल्याचा दावा युक्रेनियन मीडियाने केला आहे. युक्रेनच्या कथित ड्रोन हल्ल्यामुळे ही आग लागली.
⚡️ Drones attack Kazan high-rise building, residents evacuated pic.twitter.com/p6ZBHoRjqj
— RT (@RT_com) December 21, 2024
कझान शहर हे रशियाचे आर्थिक शक्तीस्थान आहे.
गेल्या ऑक्टोबरमध्येच ब्रिक्स परिषदेमुळे कझान शहर जगभर चर्चेत होते. रशियाने कझान येथे ब्रिक्स परिषदेचे आयोजन केले होते. त्या ब्रिक्स परिषदेला भारताचे पंतप्रधान नरेंद्र मोदीही उपस्थित होते. रशियाच्या इतिहासात कझानला महत्त्वाचे स्थान आहे आणि हे शहर रशियाच्या उद्योग, संस्कृती आणि धर्माचे प्रमुख केंद्र आहे. याला रशियाची तिसरी राजधानी किंवा क्रीडा राजधानी देखील म्हणतात. रशियाने कझानमध्ये अनेक आंतरराष्ट्रीय क्रीडा स्पर्धांचे आयोजन केले आहे. आर्थिकदृष्ट्या, काझान हे पॉवरहाऊस आहे. हे शहर रशियातील अग्रगण्य ट्रक उत्पादक कंपनी कामाझचे घर आहे आणि प्रवासी विमाने आणि हेलिकॉप्टरच्या निर्मितीमध्येही महत्त्वाची भूमिका बजावते. कझानचे अभियांत्रिकी, कापड आणि अन्न प्रक्रिया उद्योग खूप समृद्ध आहेत.
Ukraine launches drone attack on Russia#Ukraine #Russia #UkraineRussiaWar #DroneAttack pic.twitter.com/d2TYHbyxRK
— IndiaToday (@IndiaToday) December 21, 2024
