RBI : सार्वजनिक क्षेत्रातील सर्वात मोठी बँक असलेल्या भारतीय रिझर्व्ह बँकेने पुन्हा एकदा कडकपणा दाखवत भारतातील दोन बँकांना मोठा दंड ठोठावला आहे. देशातील सर्वात मोठ्या सरकारी बँका स्टेट बँक ऑफ इंडिया, कॅनरा बँक आणि सिटी युनियन बँकेला नियमांचे पालन न केल्याबद्दल कोट्यवधी रुपयांचा दंड ठोठावण्यात आला आहे. आरबीआयने या तिन्ही बँकांना सुमारे 3 कोटी रुपयांचा दंड ठोठावला आहे. भारतीय रिझर्व्ह बँकेने तीनही बँकांना “ठेवीदार शिक्षण जागरूकता निधी योजना 2014” शी संबंधित नियमांचे उल्लंघन केल्याबद्दल दंड ठोठावला आहे.
कोणत्या बँकेला किती दंड ठोठावला?
रिझर्व्ह बँक ऑफ इंडियाच्या म्हणण्यानुसार, एसबीआय, सिटी युनियन बँक लिमिटेड आणि कॅनरा बँकेला ठेवीदार एज्युकेशन अवेअरनेस फंड स्कीम 2014 च्या नियमांचे उल्लंघन केल्याबद्दल दंड ठोठावण्यात आला आहे, परंतु दंडाची रक्कम वेगळी वेगळी आहे.
RBI ने SBI ला 2 कोटी रुपयांचा दंड ठोठावला आहे. तर सिटी युनियन बँक लिमिटेडला मालमत्तेचे वर्गीकरण, उत्पन्न प्रमाणपत्र आणि कर्ज, नॉन परफॉर्मिंग लोन (NPA) आणि KYC शी संबंधित नियमांचे पालन न केल्याबद्दल 66 लाख रुपयांचा दंड ठोठावण्यात आला आहे. याशिवाय आरबीआयचे काही नियम आहेत ज्यांचे पालन न केल्याबद्दल कॅनरा बँकेलाही दंड ठोठावण्यात आला आहे, ज्याची रक्कम 32.30 लाख रुपये आहे.
या तीन बँकांव्यतिरिक्त, ओडिशातील राउरकेलाच्या ओशन कॅपिटल मार्केट लिमिटेडलाही मोठा दंड ठोठावण्यात आला आहे. नॉन-बँकिंग फायनान्शियल कंपनीज (NBFC) शी संबंधित काही तरतुदींचे पालन न केल्याबद्दल RBI ने या कंपनीला 16 लाख रुपयांचा दंड ठोठावला आहे.
ग्राहकांवर काय परिणाम होईल?
आरबीआयच्या या कारवाईचा ग्राहकांवर काय परिणाम होऊ शकतो? बँकेशी व्यवहार करताना ग्राहकांना अडचणी येऊ शकतात का? तर काहीही होणार नाही. नियमांचे पालन न केल्याबद्दल बँकांवर लावण्यात आलेल्या दंडाचा ग्राहकांवर कोणताही परिणाम होणार नाही. बँकिंग नियमांचे पालन न केल्याबद्दल RBI वेळोवेळी बँका आणि NBFC वर दंड आकारते. ग्राहक त्यांचे बँकेशी संबंधित काम कोणत्याही व्यत्ययाशिवाय करू शकतात.
