ऑस्ट्रेलियाविरुद्धच्या चार कसोटी सामन्यांच्या मालिकेत भारताने शानदार सुरुवात केली आहे. नागपूर येथे झालेल्या पहिल्या कसोटीत त्यांनी एक डाव आणि १३२ धावांनी विजय मिळवला. हा सामना जिंकून टीम इंडियाने मालिकेत 1-0 अशी आघाडी घेतली आहे. पहिल्या सामन्यात अष्टपैलू रवींद्र जडेजाने आपल्या बॉल आणि बॅटने चमत्कार केला. त्याने सामन्यात एकूण सात विकेट्स घेतल्या आणि 70 धावा केल्या. जडेजाने चमकदार कामगिरी केली, पण तो दंडापासून वाचू शकला नाही.
जडेजाला त्याच्या मॅच फीच्या 25 टक्के दंड ठोठावण्यात आला आहे. शनिवारी सामन्याच्या पहिल्या दिवशी मैदानावरील पंचांच्या परवानगीशिवाय गोलंदाजीच्या हाताच्या सुजलेल्या बोटावर क्रीम लावल्याने त्याच्यावर ही कारवाई करण्यात आली आहे. तब्बल सहा महिन्यांनंतर जडेजाने आंतरराष्ट्रीय क्रिकेटमध्ये पुनरागमन केले. ऑस्ट्रेलियाविरुद्धच्या पहिल्या डावात त्याने पाच विकेट्स घेतल्या होत्या. त्यानंतर पहिल्या डावात त्याने 70 धावा केल्या. त्यानंतर दुसऱ्या डावात दोन बळी घेतले.
आयसीसीने काय म्हटले?
जडेजाची ही कृती आयसीसीच्या आचारसंहितेच्या कलम 2.20 चे उल्लंघन मानली गेली. हे खेळाच्या भावनेच्या विरुद्ध आचरण प्रदर्शित करण्याशी संबंधित आहे. “भारताचा फिरकी गोलंदाज रवींद्र जडेजाला गुरुवारी नागपूर येथे ऑस्ट्रेलियाविरुद्धच्या पहिल्या कसोटीत आयसीसीच्या आचारसंहितेचे लेव्हल 1 उल्लंघन केल्याबद्दल त्याच्या मॅच फीच्या 25 टक्के दंड ठोठावण्यात आला आहे,” असे आयसीसीने एका निवेदनात म्हटले आहे.
“याशिवाय, जडेजाच्या शिस्तभंगाच्या रेकॉर्डमध्ये एक डिमेरिट पॉइंट जोडला गेला आहे.” 24 महिन्यांच्या कालावधीतील हा त्याचा पहिला गुन्हा होता.” आयसीसीने सांगितले की ऑस्ट्रेलियाच्या पहिल्या डावातील 46 व्या षटकात जडेजाने मैदानावरील पंचांच्या परवानगीशिवाय त्याच्या गोलंदाजीच्या हाताच्या सुजलेल्या बोटावर क्रीम लावली…
