रामटेक – राजु कापसे
मनसर केंद्र अंतर्गत येणाऱ्या जि.प.उच्च प्राथमिक शाळा बोरडा येथील शिक्षक गफ्फार कुरेशी यांचा वाढदिवस व शिक्षक सेवानिवृत्तीचा सत्कार समारंभाचा कार्यक्रम प्राथमिक शाळेच्या पटांगणात घेण्यात आला. शिक्षक गफ्फार कुरेशी यांनी सण १९९० मध्ये रामटेक तालुक्यातील काचुरवाही येथील जि.प.प्राथमिक शाळेत रुजू झाले.
सण २०१८ मध्ये मनसर केंद्रातील बोरडा शाळेत रुजू होताच २ वर्ष शिक्षक म्हणून तर पुढील २ वर्ष प्रभारी मुख्याध्यापक म्हणून कार्यभार सांभाळला.नंतर शाळेला मुख्याध्यापक पद भरल्यानंतर शिक्षक म्हणून कार्य पार पाडले.
शाळेला ६ वर्ष सेवा देऊन वयाचे ३४ वर्ष नोकरी करून दि.१ जुलै २०२४ रोजी जि.प.उच्च प्राथमिक शाळा बोरडा,शाळा व्यवस्थापन समिती,गट ग्रामपंचायत बोरडा, पत्रकार संघ,रामटेक यांच्या वतीने शिक्षक गफ्फार कुरेशी यांचा सहकुटुंबिक सत्कार करण्यात आला. यावेळी शाळा व्यवस्थापन समितीचे पदाधिकारी,गावातील सरपंच,उपसरपंच, ग्रामपंचायत सदस्य,केंद्रप्रमुख,गावातील नागरिक यांच्यासह शाळेचे शिक्षक उपस्थित होते.
