रामटेक – राजु कापसे
रामटेक शहरात आणि तहसील परिसरात प्रत्येक गावात 6 ते 7 ठिकाणी पोळाचे आयोजन उत्साहात करण्यात आले. नेहरु मैदानात नगरपरिषदेतर्फे सर्वात मोठा पोळाचे आयोजन करण्यात आले. येथे 14 बैलजोड्या घेऊन शेतकरी उपस्थित होते.
प्रत्येक बैलजोडीला रामटेक नगरपरिषदेतर्फे ३०१ रुपये, आमदार आशिष जैस्वाल यांच्याकडून भेटवस्तू आणि चंद्रपाल चौकसे यांच्याकडून दुप्पटा देण्यात आला.
यावेळी आनंदधामचे संस्थापक लक्ष्मण मेहर बाबू, ओम नमोचे राष्ट्रीय अध्यक्ष विजय हटवार, मुख्याधिकारी पल्लवी राऊत, माजी नगरसेवक सुमित कोठारी, सुरेखा माकडे यांच्यासह मोठ्या संख्येने बैल धारक व नागरिक उपस्थित होते. पोळा कार्यक्रमाचे संचालन प्रकाश उईके यांनी केले.
यासोबतच गावागावातही पोळा उत्साहात साजरा करण्यात आला. प्रत्येक घरात बैलाची पूजा होते. मात्र बैलांची संख्या कमी असल्याने महिला बैलाची वाट पाहत होती, मात्र सायंकाळी मुसळधार पाऊस झाल्याने काही महिला बैलाची पूजा करण्यापासून वंचित राहिल्या.
