रामटेक – राजू कापसे
रामटेक – राहात्या घरीच पंख्याला गळफास लावुन आत्महत्या केल्याची घटना आज २९ जुलै ला दुपारी सव्वाबारा दरम्यान उघडकीस आल्याने शहरात खळबळ उडाली आहे. गजानन दिलीप इंगळे वय ४२ असे मृतक इसमाचे नाव असून तो शहरातील रामाळेश्वर वार्ड येथे परिवारासोबत राहायचा. प्राप्त माहितीनुसार गजानन चे कुटुंबीय काल दि. २८ जुलै च्या दुपारी २ वाजता बाहेरगावी गेले होते, ते आज दुपारी सव्वाबारा वाजता दरम्यान परत आले असता त्यांना गजानन हा पंख्याला गळफास घेऊन लटकलेल्या अवस्थेत दिसला.
लागचीच त्यांनी याबाबद रामटेक पोलीसांना माहिती दिली. रामटेक पोलीसांनी मर्ग दाखल केला असुन पुढील तपास पोलीस उपनिरीक्षक कार्तिक सोनटक्के हे करीत आहे. आत्महत्येचे कारण कळु शकले नसल्याचेही त्यांनी माहिती देतांना सांगितले.
