महेंद्र गायकवाड
नांदेड : शहरातील शिवाजीनगर भागात शुक्रवारी सकाळपासूनच आयकर विभागाचा मोठा फौजफाटा आपल्या असंख्य वाहनासह दाखल झाला होता.आयकर विभागाने खासगी फायनान्स चालवणाऱ्या संचालकांच्या कार्यालयावर व घरावर धाड टाकली असून एकाच वेळी अनेक ठिकाणी आयकर विभागाने या धाडी टाकल्या असल्याने या कारवाईमुळे अनेकांचे धाबे दानाणले आहे.
नांदेड शहरात व परिसरात खासगी फायनान्स व अवैध सावकारी चालवणाऱ्यांची संख्या मोठ्या प्रमाणात आहे. यात काही पतसंस्थांबरोबरच खासगी सावकारांचाही समावेश आहे.
शहरातील शिवाजी नगर भागात दि.१० मे रोजी सकाळी ७.३० वा. आयकर विभागाचे अधिकारी व कर्मचाऱ्यांचा मोठा फौजफाटा शिवाजीनगर परिसरातील एका फायनान्स कंपनीच्या संचालकांच्या घरावर धडकला. शहरातील शिवाजीनगरसह अलीभाई टॉवर, कोकाटे कॉम्प्लेक्स
येथील फायनान्स कंपनीच्या शाखांवरही त्यांनी धाड टाकली. सद्यस्थितीत भंडारी फायनान्स व आदिनाथ अर्बन सोसायटी या पतसंस्थेतील कारभाराची चौकशी
सुरू असल्याची प्राथमिक माहिती पुढे येत आहे.
