पुणे जिल्ह्यात ट्रकने बसला धडक दिल्याने 4 जण ठार तर 18 जण जखमी झाले. पोलिसांनी सांगितले की, ही घटना मुंबई-बेंगळुरू राष्ट्रीय महामार्गावर एका मंदिराजवळ शनिवारी पहाटे दोनच्या सुमारास घडली. ठाण्यातील साताऱ्याहून डोंबिवलीकडे जाणारी खासगी प्रवासी बस स्वामीनारायण मंदिराजवळ पोहोचली असता, मागून येणाऱ्या ट्रकने बसला धडक दिली, या अपघातात बसमधील तीन प्रवासी आणि ट्रक चालकाचा मृत्यू झाला असून 18 प्रवासी जखमी झाल्याचे त्यांनी सांगितले. प्रथमदर्शनी असे दिसते की ट्रक चालकाचे वाहनावरील नियंत्रण सुटल्याने ट्रक ने बसला धडक दिली असल्याची प्राथमिक माहिती मिळत आहे.
अपघाताची माहिती मिळताच वैद्यकीय आपत्कालीन सेवा पथक घटनास्थळी पोहोचले. 13 जखमी प्रवाशांना पुण्यातील विविध रुग्णालयात दाखल करण्यात आल्याचे अधिकाऱ्यांनी सांगितले. इतर जखमींना जवळच्या रुग्णालयात दाखल करण्यात आले आहे.
पुणे जिल्हा परिषदेचे सीईओ आयुष प्रसाद म्हणाले की, चालकांमधील थकवा ही एक मोठी समस्या आहे ज्याला सामोरे जाण्याची गरज आहे. ते म्हणाले, ‘सर्व नागरिकांनी रात्रीच्या वेळी वाहन चालवताना आवश्यक ती खबरदारी घेणे आवश्यक आहे. प्रवास सुरू करण्यापूर्वी पुरेशी विश्रांती घ्या, नियमित ब्रेक घ्या आणि रस्त्यावरील इतर वाहनचालकांचा विचार करा.
