पुणे : संरक्षण संशोधन आणि विकास संस्थेसाठी (DRDO) काम करणाऱ्या एका शास्त्रज्ञाला पाकिस्तानी एजंटला गुप्त माहिती दिल्याच्या आरोपावरून महाराष्ट्र दहशतवादविरोधी पथकाने (ATS) पुण्यातून अटक केली आहे. प्रदीप कुरळकर असे अटक करण्यात आलेल्या शास्त्रज्ञाचे नाव असून ते DRDO च्या रिसर्च अँड डेव्हलपमेंट (इंजिनिअर्स) या विभागात संचालक पदी काम करतात.
एटीएसच्या एका अधिकाऱ्याने सांगितले की, शास्त्रज्ञ कथितपणे व्हॉट्सएप आणि व्हिडिओ कॉलद्वारे पाकिस्तानी गुप्तचर कर्मचार्‍यांच्या एजंटच्या संपर्कात होते.
ते म्हणाले की, हे ‘फसण्याचे’ प्रकरण आहे. आरोपीने संरक्षण संशोधन संस्थेत वरिष्ठ पदावर काम केले असून त्याला बुधवारी अटक करण्यात आली. त्याच्याकडे असलेली अधिकृत गुप्त माहिती शत्रूच्या संपर्कात आल्यास देशाची सुरक्षा धोक्यात येऊ शकते हे माहीत असूनही शास्त्रज्ञाने ही माहिती दिली, असे एटीएसच्या प्रसिद्धीमध्ये म्हटले आहे.
प्रसिद्धीनुसार, मुंबईतील एटीएसच्या काळाचौकी युनिटमध्ये अधिकृत गुप्त कायद्याच्या संबंधित कलमांखाली गुन्हा दाखल करण्यात आला असून पुढील तपास सुरू आहे.
