Pune Accident : पुण्यात काल रात्री फूटपाथवर झोपलेल्या लोकांना डंपरने चिरडले. या अपघातात ३ जणांचा मृत्यू झाला असून ६ जण गंभीर जखमी झाले आहेत. मृतांमध्ये दोन निष्पाप मुलांचाही समावेश आहे. पुण्यातील वाघोली शहरातील केसनंद फाटा परिसरात मध्यरात्री 12.30 च्या सुमारास हा अपघात झाला. डंपर चालक मद्यधुंद अवस्थेत असल्याचे सांगण्यात येत आहे. जखमींना ससून रुग्णालयात दाखल करण्यात आले आहे.
अपघातात जखमी झालेले सर्व मजूर आहेत. रविवारी रात्रीच ते अमरावतीहून कामानिमित्त आले होते. फूटपाथवर एकूण 12 जण झोपले होते, बाकीचे फूटपाथच्या बाजूला झोपडीत झोपले होते. यादरम्यान भरधाव डंपर थेट फूटपाथवर चढला आणि झोपलेल्या लोकांना चिरडत पुढे गेला. आरडाओरडा ऐकून लोक धावत आले आणि अपघाताची माहिती पोलिसांना दिली. पोलिसांनी घटनास्थळी येऊन मृतदेह ताब्यात घेतले.
VIDEO | Maharashtra: At least three persons killed, and several others injured as a dumper runs over people sleeping on footpath in Pune. Visuals from the spot.#PuneNews #PuneAccident
— Press Trust of India (@PTI_News) December 23, 2024
(Full video available on PTI Videos – https://t.co/n147TvrpG7) pic.twitter.com/DDCQ4FX5HM
मीडिया रिपोर्ट्सनुसार हा अपघात पोलिस स्टेशनसमोर झाला. पोलिसांनी आरोपीला ताब्यात घेतले असून मृतदेह शवविच्छेदनासाठी पाठवले आहेत. जखमींची प्रकृती अजूनही धोक्याबाहेर आहे. आरोपी ड्रायव्हरची वैद्यकीय तपासणी करण्यात आली आहे, जेणेकरून घटनेच्या वेळी तो दारूच्या नशेत होता की नाही हे कळू शकेल. या अपघातात 22 वर्षांचा विनोद पवार यांचा मुलगा विशाल, रितेश पवार यांची एक वर्षाची मुलगी वैभवी आणि रितेश पवार यांचा 2 वर्षाचा मुलगा वैभव अशी या अपघातात मृत्युमुखी पडलेल्यांची नावे आहेत.
जखमींची नावे
- जानकी दिनेश पवार (21)
- रिनिशा विनोद पवार (18)
- रोशन शशादू भोसले (9)
- ४. नागेश निवृत्ती पवार (२७)
५. दर्शन संजय वैराळ (१८)
६. अलिशा विनोद पवार (४७)
Pune: Dumper Truck Driver Claims Three Lives, Injures Nine In Wagholi Near Kesnand Phata
— Pune Pulse (@pulse_pune) December 23, 2024
In a tragic incident on Pune’s Wagholi area near Kesnand phata, a speeding dumper truck ran over 12 people sleeping on a footpath, killing three and injuring nine. The accident, reportedly… pic.twitter.com/K6T09Om7v4
