अमरावती – सुनील भोळे
मा. आयुक्त व मा. उपायुक्त मॅडम यांचे आदेशान्वये गुरुवार दिनांक २५/०७/२०२४ रोजी अतिक्रमण पथक प्रमुख योगेश कोल्हे, निरीक्षक अन्सार अहमद यांच्या मार्गदर्शनाखाली सकाळी व संध्याकाळी पंचवटी चौक, बाबा कॉर्नर, बियाणी चौक, चौधरी चौक, चित्रा चौक, टांगा पडाव, गांधी चौक ते राजकमल रोड येथे साहित्य जप्तीची कारवाई करण्यात आली. ३ ट्रक साहित्य जप्तीची अतिक्रमण निर्मूलनाची कार्यवाही करण्यात आली. सदर ठिकाणी रोडच्या दोन्ही बाजूंनी अतिक्रमण निर्मूलनाची कार्यवाही करण्यात आली. तसेच अतिक्रमणधारकांना सूचना देण्यात आल्या की वाहतुकीला अडथळा निर्माण झाल्यास दैनंदिन कारवाई सुरू राहणार. सदर कार्यवाहीत अतिक्रमण विभागाचे कर्मचारी व पोलीस कर्मचारी उपस्थित होते.
