पालघरमध्ये एक धक्कादायक प्रकरण समोर आले आहे जिथे एका व्यक्तीने आपल्या लिव्ह-इन पार्टनरची निर्घृण हत्या करून तिचा मृतदेह पलंगात लपवून ठेवला होता. मृतदेह लपवल्यानंतर तो पळून गेला. गेल्या सोमवारी नालासोपारा येथील विजय नगर भागातील एका फ्लॅटमधून दुर्गंधी येऊ लागल्याने शेजाऱ्यांनी पोलिसांना माहिती दिली. पोलीस घटनास्थळी पोहोचल्यावर त्यांना आश्चर्याचा धक्का बसला. आधी खोली शोधली पण मृतदेह सापडला नाही, मग बेड शोधला. बेड उघडताच महिलेचा विकृत मृतदेह पाहून सर्वांनाच धक्का बसला.
नालासोपारा येथील विजय नगर भागातील एका फ्लॅटमधून पीडित मेघा शहा (३७) हिचा विकृत मृतदेह सापडला, अशी माहिती पोलिसांनी दिली. पालघर तुळींज पोलिसांनी मृतदेह शवविच्छेदनासाठी पाठवला असून भादंवि कलम ३०२ अन्वये गुन्हा दाखल करून पुढील तपास सुरू केला आहे. दोन दिवसांपासून बेपत्ता असलेला तिचा लिव्ह इन पार्टनर हार्दिक याला अटक करण्यात आली असून पुढील तपास सुरू आहे.
आरोपी ट्रेनमधून पकडला
आपल्या लिव्ह-इन पार्टनरची हत्या करून पळून जाण्याचा प्रयत्न करणाऱ्या एका व्यक्तीला तुळींज पोलिसांनी मंगळवारी अटक केली. एका पोलीस अधिकाऱ्याने सांगितले की, आरोपीला मध्य प्रदेशातील नागदा येथे रेल्वे सुरक्षा दलाच्या कर्मचार्‍यांनी ट्रेनमधून पकडले.
आरोपी बेरोजगार असल्याने तो दररोज प्रेयसीसोबत भांडण करत असे.
आरोपी बेरोजगार असून त्यांच्यात अनेकदा भांडण होत असे. अधिकाऱ्याने सांगितले की, अशाच एका वादानंतर आरोपीला आपला राग आवरता आला नाही आणि रागाच्या भरात त्याने मैत्रिणी मेघाची हत्या केली आणि तिचा मृतदेह पलंगावर टाकून दिला.
पळून जाण्यापूर्वी बहिणीला मेसेज केला
त्याने आपल्या बहिणीलाही हत्येबद्दल संदेश दिला आणि पळून जाण्यापूर्वी फ्लॅटमधील फर्निचर विकले, अशी बातमी पीटीआय या वृत्तसंस्थेने दिली. भारतीय दंड संहितेच्या कलम 302 अंतर्गत खुनाचा गुन्हा दाखल करण्यात आला असून पुढील तपास सुरू आहे, असे अधिकाऱ्याने सांगितले.
कालच्या दिवशी दिल्लीत एका तरुणाने एका मुलीची हत्या करून तिचा मृतदेह फ्रीजमध्ये ठेवल्याची संतापजनक घटना उघडकीस आली. प्राथमिक तपासानुसार, ही घटना कश्मीरे गेट ISBT क्षेत्राजवळ घडली जिथे आरोपी साहिल गेहलोत याने मुलीचा कारमध्ये गळा दाबून खून केला. त्यानंतर आरोपीने तिचा मृतदेह उत्तम नगरजवळील त्याच्या गावी नेऊन त्याच्या ढाब्याच्या फ्रीजमध्ये ठेवला.
