अकोला – संतोषकुमार गवई
बाळापूर पंचायत समितीतील बटवाडी बु. येथील रिक्त सदस्य पदासाठी पोटनिवडणुकीच्या अनुषंगाने मतदार यादी तयार करण्याचा कार्यक्रम जाहीर करण्यात आला आहे. त्यानसार प्रारूप मतदार यादी दि. 9 जुलै रोजी प्रसिद्ध करण्यात येणार असून, दि. 15 जुलैपर्यंत हरकती व सूचना दाखल करता येतील. प्रभागनिहाय मतदार याद्या अंतिम व अधिप्रमाणित करून दि. 19 जुलै रोजी प्रसिद्ध होतील. या क्षेत्रात मतदार यादी कार्यक्रमाची व्यापक प्रसिद्धी करण्याचे व निवडणूक आयोगाच्या सूचनांनुसार कार्यवाही करण्याचे आदेश जिल्हाधिकारी अजित कुंभार यांनी बाळापूर तहसीलदारांना दिले आहेत.
